Awatokua 8:21 - Mbeti ti Nzapa - Tënë so amu fini

²¹ Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

Awatokua 8:21 ပူးပေါင်းရင်းမြစ်များ

2 Mbai 25:2

Amasia asara ye so ayeke mbirimbiri na le ti *KOTA GBIA, me na be ti lo kue pepe.

Néhémie 2:20

Mbi kiri tënë na ala: “Nzapa ti yayu wani laa ayeke sara titene kua ni aga nzoni. E yeke azo ti kua ti lo, e yeke londo ti kiri ti leke gbata ni. Me ti ala, mbeni ye ti ala oko ayeke na ya ti gbata ni pepe, ala yeke nga na komandema na ya ti gbata ni pepe. Zo ayeke kiri ti dabe ti lo na ala pepe!”

Abia (Psaumes) 36:1

Bia ti David, zo ti kua ti *KOTA GBIA. Bia so ayeke ndali ti makonzi-bia.

Ezekiel 14:3

“*Molenge ti zo, azo so aleke ndo na be ti ala ndali ti ayanda ti ala; le ti ala angba gi na ndö ti ye so ayeke sara si ala ti na ya ti siokpari. Fade mbi yeke zia lege na ala titene ala hunda mbi na mbeni tënë?

Awayango-sandaga 13:8

Wayango-sandaga ayeke kiri ti baa tere ti zo ni. Tongana lo baa so dartere ni amu tere ti zo ni kue, wayango-sandaga ni ayeke fa atene, zo ni aga *sioni awe; so buruma laa.

Habakuk 2:4

Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Awatokua 8:37

Philippe atene: “Tongana mo ma na be biani, mo lingbi ti wara bateme senge.” Mbaiwa ni atene: “Mbi ma na be so Jésus Christ ayeke Molenge ti Nzapa.”]

Efeze 5:5

Alingbi ala hinga nzoni atene, azo ti sarango ye ti ndumba, azo ti sarango ye ti kamene nga na azo so kota nzara ti warango ye ayeke na be ti ala, *Kodro-gbia ti Christ na ti Nzapa ayeke ga ti ala pepe. – Andaa sarango kota nzara ti warango ye ayeke mbeni lege ti vorongo anzapa nde. –

Ndia ti fani use ni 10:9

Ndani laa, azo ti mara ti Lévi awara sese pepe na popo ti tanga ti amara ni titene aga ti ala tongana a-ita ti ala. Me ye so azo ti mara ti Lévi awara titene aga ti ala ayeke pasa ti sarango kua ti KOTA GBIA, alingbi na tënë so KOTA GBIA Nzapa ti ala, azo ti Israel atene na ala. –

Ndia ti fani use ni 12:12

Kâ na ya ti da ti KOTA GBIA Nzapa ti ala, fade be ti ala ayeke si singo na ngia, ala na amolenge ti ala ti koli na ti wali, na azo ti kua ti ala ti koli na ti wali nga na azo ti mara ti Lévi so ayeke duti na ya ti agbata ti ala. Biani, azo ti mara ti Lévi awara sese pepe ti ga ti ala tongana ti so ala, atanga ti azo ti mara ti Israel, awara ni.

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

Josué 22:25

KOTA GBIA azia ngu ti Jourdain tongana katikati na popo ti e na ala, azo ti Ruben na ala ti Gad. Mbeni ye ti ala oko ayeke na maboko ti KOTA GBIA pepe!’ Tongaso, fade ahale ti ala ayeke sara titene ahale ti e azia lege ti vorongo KOTA GBIA.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 20:6

Ti ala nzoni, ala so ayeke na popo ti akozo kuâ so azingo! Ala yeke ti ala biani azo ti Nzapa, kuâ ti use ni ayeke na ngangu na ndö ti ala pepe. Ala yeke ga awayango-sandaga ti Nzapa na ti Christ si ala na lo ayeke le-gbia na ya ti ngu saki oko.

Aye so Nzapa afa 22:19

Tongana mbeni zo azi mbeni tënë ti peko ti yanga ti Nzapa so ayeke na ya ti buku so, fade Nzapa ayeke zi ye so aga ti zo ni si a tene tënë ni na ya ti buku so, so ti tene le ti keke so ayeke mu fini na zo nga na gbata so ayeke nde si ayeke nzoni kue.