Awatokua 8:2 - Mbeti ti Nzapa - Tënë so amu fini

² Ambeni zo so aye tënë ti Nzapa mingi alu Étienne si ala toto kuâ ti lo ngangu.

Awatokua 8:2 ပူးပေါင်းရင်းမြစ်များ

Tongo nda ti aye 23:2

Lo kui na Kiriat-Arba, so ti tene na Hebron, na sese ti Kanaan. Tongaso Abraham atoto kuâ ti Sara si lo sara mua ti lo.

Tongo nda ti aye 50:9

Ataa apusu ti ambarata na azo ti kpengo na mbarata, lo gue na ni. Gba ti azo mingi mingi si amu peko ti Joseph.

2 Samuel 3:31

David atene na Yoab nga na azo so kue amu peko ti lo: “Ala suru bongo ti ala, ala yu agbagba bongo, ala toto kuâ ti Abner!” Ti gbia David, lo yeke tambula na peko ti kuâ ni.

2 Mbai 32:33

Ezekias akui, lo hon na peko ti ababâ ti lo, a lu lo na ndo so a yeke lu *ahale ti David daa, na mbage ti nduzu; azo ti Juda kue na azo ti Jérusalem amu nengo na kuâ ti lo. Molenge ti lo Manase laa aga gbia na peko ti lo.

2 Mbai 35:25

Wayanga-Nzapa Jérémie aleke mbeni bia ti totongo na kuâ ti Yosias. Ti londo na ngoi so ngbii asi laso, azo ti hengo bia, akoli kue na awali kue atene tënë ti Yosias na ya ti abia ti ala. Sarango ye tongaso aga mbeni ndia na sese ti Israel. A su abia so na Mbeti ti abia ti totongo kuâ.

Jérémie 22:10

Ala azo ti Juda, lo so akui awe so, ala toto lo pepe! Ala toto tere ti ala ndali ti lo pepe! Me ala toto mingi ndali ti lo so ayeke hon hongo so. Ala toto lo mingi, ngbanga ti so kodro so a du lo daa, lo yeke kiri ti baa ni pepe.

Jérémie 22:18

Baa, tënë so KOTA GBIA atene ndali ti Yoakim, molenge ti Yosias, gbia ti Juda ayeke so: “Na ndembe ti kuâ ti lo, zo ayeke he bia ti totongo kuâ ndali ti lo pepe; wala ti tene pepe: ‘Ae ita ti mbi ti koli, so ye ti mawa ti nyen!’ ‘Ae ita ti mbi ti wali, so ye ti mawa ti nyen!’ Zo ayeke he bia ti totongo kuâ ndali ti lo pepe, atene: ‘Ae gbia, so ye ti mawa ti nyen!’ ‘Ae kota zo, so ye ti mawa ti nyen!’

Wungo ti azo 20:29

Bongbi ti azo ti Israel kue abaa so Aaron akui awe, ala sara mua ti lo na ya ti lango baleota.

Marc 6:29

So adisiple ti Jean ama tënë ni, ala ga amu kuâ ti lo si ala gue, alu ni.

Nzoni Tënë so Luc asu na mbeti 2:25

Mbeni koli ayeke na Jérusalem, iri ti lo ayeke Siméon; lo yeke zo ti mbirimbiri, lo mu be ti lo kue na Nzapa, lo yeke ku zo so ayeke ga ande ti soo azo ti Israel. Yingo-Vuru ayeke na Siméon.

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 2:5

Andaa ambeni zuife so aye tënë ti Nzapa mingi ayeke na Jérusalem. Ala londo na akodro nde nde ti dunia mobimba si ala ga.

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Ndia ti fani use ni 34:8

Azo ti Israel atoto kuâ ti Moïse kâ na lando ti Moab na ya ti nze oko; na pekoni, lango ti sarango mua ti lo ahunzi.

1 Samuel 28:3

So Samuel akui, azo ti Israel kue atoto kuâ ti lo si ala lu lo na kodro ti lo, na Rama. Kozoni, Saul akanga lege titene azo ti kodro ti lo ague, ahunda yingo ti akuâ wala ti atoro.