Awatokua 8:18 - Mbeti ti Nzapa - Tënë so amu fini

¹⁸ So Simon abaa so Yingo-Vuru azu na ndö ti azo ndali ti so awatokua azia maboko na ndö ti azo ni, lo ga na ala nginza

Awatokua 8:18 ပူးပေါင်းရင်းမြစ်များ

2 Agbia 8:9

Hazael ague, awara Élisée. Lo mu anzoni ye nde nde so ayeke na Damas, lo kanga na ndö ti *azambala baleosio si lo gue ti mu ni na Élisée. Lo si na dawa ti Élisée si lo tene na lo: “Molenge ti mo Ben-Hadad, gbia ti Sirii atokua mbi ti hunda mo, atene: ‘Mbi yeke ngba na fini na kobela so laa?’ ”

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Matthieu 10:8

Ala kai kobela na tere ti azo, ala zingo akuâ, ala sara si tere ti azo ti buruma aga nzoni, ala tumba asioni yingo. Nzapa amu ye na ala senge senge, ala mu nga ye na azo senge senge.

Awatokua 8:17

Tongaso Pierre na Jean azia maboko na ndö ti ala si ala wara Yingo-Vuru.

Awatokua 8:19

si lo tene: “Ala mu nga na mbi ngangu so titene tongana mbi zia ande maboko na ndö ti zo, lo wara Yingo-Vuru.”

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.