Awatokua 8:17 - Mbeti ti Nzapa - Tënë so amu fini

¹⁷ Tongaso Pierre na Jean azia maboko na ndö ti ala si ala wara Yingo-Vuru.

Awatokua 8:17 ပူးပေါင်းရင်းမြစ်များ

Wungo ti azo 27:18

KOTA GBIA akiri tënë na Moïse, atene: “Mo mu Josué, molenge ti Nune. Lo yeke zo so yingo ti mbi ayeke na lo; mo zia maboko na li ti lo.

Wungo ti azo 8:10

Mo yeke iri azo ti mara ti Lévi ti ga na dawa ti KOTA GBIA si azo ti Israel kue ayeke zia maboko na ndö ti ala.

Marc 5:23

si lo voro Jésus mingi ti mu na lo maboko; lo tene: “Molenge ti mbi ti wali aga nduru ti kui. Mo ga, mo zia maboko ti mo na ndö ti lo titene lo soo kuâ si lo ngba na fini!”

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 6:6

Azo ni afa ala na awatokua. Awatokua asambela Nzapa si azia maboko na ndö ti ala.

Awatokua 8:18

So Simon abaa so Yingo-Vuru azu na ndö ti azo ndali ti so awatokua azia maboko na ndö ti azo ni, lo ga na ala nginza

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Rome 1:11

Biani, nzara ti bango ala agbu mbi mingi si mbi lingbi ti kangbi na ala matabisi so aga na lege ti Yingo-Vuru, tongaso si ala kpengba.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

2 Timothée 1:6

Ndani laa, mbi dabe ti mo: mo sara si matabisi so Nzapa amu na mo angba lakue ti mai, matabisi so mo wara ando na ndembe so mbi zia maboko na ndö ti mo.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.