Awatokua 8:13 - Mbeti ti Nzapa - Tënë so amu fini

¹³ Simon nga ama na be si lo wara bateme; lo ngba lakue na tere ti Philippe. Lo nga, be ti lo ado na bango aye ti kpene na aye ti dongo be so Philippe ayeke sara so.

Awatokua 8:13 ပူးပေါင်းရင်းမြစ်များ

Habakuk 1:5

Kota Gbia atene: “Ala zi le ti ala, ala baa ye so ayeke si na popo ti amara nde; fade li ti ala ayeke ga kirikiri, li ti ala kue ayeke kpe! So ala de na fini so, ala yeke baa mbeni ye so ayeke si, ataa mbeni zo atene peko ni na ala, ala yeke yeda na ni pepe.

Matthieu 3:6

Ala fa asiokpari ti ala na gigi si Jean abatize ala na ya ti ngu ti Jourdain.

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Jean 5:20

ngbanga ti so Babâ aye Molenge ti lo si lo fa na Molenge ni aye so kue lo yeke sara. Fade lo yeke fa na Molenge ni ambeni ye ti sarango ni so ayeke kota ahon so si fade li ti ala azo, akpe.

Jean 7:21

Jésus akiri tënë na ala: “Mbi sara gi ye oko si li ti ala kue akpe!

Awatokua 13:44

Na lango ti wungo tere ti peko, angba kete ka azo ti gbata ni kue laa abongbi ti ma tënë ti *Kota Gbia.

Awatokua 19:11

Na lege ti Paul, Nzapa asara ambeni ye ti kpene so zo abaa laoko pepe.

Awatokua 3:10

So azo ahinga atene, koli so ayeke kozoni na tere ti Pendere-yanga-da ti iri ye na maboko ti azo so laa, be ti ala ado, li ti ala kue akpe ngbanga ti ye so asi na lo.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.