Awatokua 7:58 - Mbeti ti Nzapa - Tënë so amu fini

⁵⁸ Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Awatokua 7:58 ပူးပေါင်းရင်းမြစ်များ

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

Wungo ti azo 15:35

*KOTA GBIA atene na Moïse: “Alingbi ala fâ koli so! Bongbi ti azo ni kue amu lo, asigigi na lo na ya ti bâbâ, ala bo lo na têne.”

Nzoni Tënë so Luc asu na mbeti 4:29

Ala londo, ala gboto lo asigigi na lo na ya ti kodro ni si ala gue na lo na li ti hoto so ala sara gbata ti ala na ndö ni titene ala pusu lo, abi lo na gbeni ti fâ lo.

Awatokua 22:20

Na ndembe so a fâ Étienne, zo so atene na azo peko ti ye so lo hinga na ndö ti mo, mbi nga, mbi yeke lani daa. Mbi yeda na fango lo ni si mbi laa mbi bata bongo ti azo so afâ lo.’

Awatokua 22:23

Ala yeke dekongo, ala yeke bi abongo ti ala na nduzu si ala yeke tuku afuku ti sese na nduzu.

Awatokua 22:4

Mbi sara ngangu na azo so amu lege ti *Kota Gbia si ambeni awara kuâ. Mbi gbu akoli na awali si mbi bi ala na da ti kanga.

Awatokua 26:10

Ye so mbi sara na Jérusalem laa. Akota wayango-sandaga amu na mbi lege si na iri ti ala, mbi bi azo ti Christ mingi na da ti kanga. Na ndembe so azo ayeke fâ ngbanga ti kuâ na li ti ala, mbi nga, mbi yeda na tënë ni.

Awatokua 6:11

Tongaso ala pete goro na ambeni zo titene azo ni atene: “E ma tënë so lo tene ti zonga Moïse na Nzapa!”

Awatokua 6:13

Ala gue, aga na ambeni zo na le ti ngbanga titene azo ni atene mvene na iri ti lo, atene: “Koli so ayeke tene gi sioni tënë lakue na tere ti kota da ti Nzapa nga na tere ti *Ndia ti Moïse.

Awatokua 7:57

Azo ni adekongo ngangu, ala kanga mê ti ala si ala kue atuku legeoko na ndö ti Étienne.

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Ndia ti fani use ni 17:7

Azo so abaa lo na sarango ye ni so laa ayeke bo lo na têne kozoni ti fâ lo. Na pekoni, tanga ti azo ti kodro ni ayeke bo lo. Lege so fade ala yeke zi sioni ye na popo ti ala laa.