Awatokua 7:51 - Mbeti ti Nzapa - Tënë so amu fini

⁵¹ “Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awatokua 7:51 ပူးပေါင်းရင်းမြစ်များ

2 Agbia 17:14

Me azo ti Israel ama tënë ni pepe. Ala sara ngangu li tongana ti akotara ti ala so ake ando ti ma na be na KOTA GBIA, Nzapa ti ala.

2 Mbai 30:8

Fadeso, ala sara ngangu li tongana ti ababâ ti ala pepe; ala mu tere ti ala na KOTA GBIA, ala kiri aga na ndo ti lo so lo zia nde ndali ti lo wani kpu na kpu; ala sara kua na KOTA GBIA, Nzapa ti ala, tongaso si sioni ngonzo ti lo akai na tere ti ala.

Néhémie 9:16

Me baba ahon ndö ti akotara ti e, ala sara ngangu li, ala ma atënë ti ndia ti mo pepe.

Néhémie 9:30

Mo kanga be ti mo na ala na ya ti ngu mingi. Na lege ti yingo ti mo, mo mu wango na ala na lege ti awayanga ti mo; me ala ma awayanga ti mo ni pepe. Tongaso mo zia ala na maboko ti azo ti amara nde.

Abia (Psaumes) 75:5

Mbi tene na azo ti baba, mbi tene: “Ti fadeso, baba ni ahunzi awe!” Mbi tene na azo ti sioni, mbi tene: “Ala fa tere ti ala pepe!

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Sigingo 32:9

KOTA GBIA atene na Moïse: Biani, mbi baa azo so awe; ala yeke azo ti ngangu li!

Sigingo 33:3

Ala gue na *kodro so ngu ti me ti bagara na mafuta ti wotoro asi singo daa. Ti mbi, mbi yeke gue na ala pepe, ngbanga ti so ala yeke azo ti ngangu li. Tongana mbi gue na ala, fade mbi yeke fâ ala kue na lege ti hunzi ala.”

Sigingo 33:5

KOTA GBIA atene na Moïse: “Tene na azo ti Israel, mo tene: ‘Ala yeke azo ti ngangu li! Tongana mbi gue na ala gi na ya ti kete nduru ngbonga, fade mbi yeke fâ ala kue ti hunzi ala. Fadeso, ala zi aye ti baba ti ala ni; mbi yeke baa ye so mbi yeke sara ndali ti ala.’ ”

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Ésaïe 48:4

Mbi hinga kue, ala yeke azo ti ngangu li, li ti ala akpengba tongana wen, li ti ala akpengba mingi.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 17:23

Ti akotara ti ala ni, ala ma mbi pepe, ala dingi mê ti ala ti ma mbi pepe. Ala sara ngangu li, ala ke ti ma tënë si ala ke awango ti mbi.

Jérémie 4:4

Ala fâ *ganza ndali ti KOTA GBIA, ala fâ be ti ala na ganza, ala azo ti Juda na ala, azo ti Jérusalem. Tongaso pepe, ndali ti sioni sarango ye ti ala, fade ngonzo ti mbi ayeke londo tongana wâ; wâ ni ayeke gbi ye kue si zo oko alingbi ti mingo ni pepe.”

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Ezekiel 2:4

Azo ti Israel ayeke azo ti ngangu li mingi, be ti ala akpengba mingi. Mbi yeke tokua mo ti tene na ala, mo tene: ‘Tënë so Kota Gbia NZAPA atene ayeke so.’

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Ezekiel 44:9

Tënë so mbi Kota Gbia NZAPA, mbi tene ayeke so: Wande oko so afâ ganza pepe si afâ ganza ti be pepe, lo yeke kiri ti li pepe na ndo so a zia ni nde ndali ti mbi; ataa wande ni ayeke lango na popo ti azo ti Israel.”

Awayango-sandaga 26:41

Tongaso, ala yeke hinga atene, mbi nga, mbi sara ngangu li na ala si mbi tokua ala na kodro ti awato ti ala. Mbeni lâ, tongana ala fâ be ti ala na *ganza si ala sara tere ti ala kete, ala yeda titene mbi pika ala ndali ti sioni ti ala,

Wungo ti azo 27:14

Biani, na ya ti benyama ti Zin, ala ke yanga ti mbi na ndembe so bongbi ti azo ti Israel ayeke gi yanga ti mbi. Na ngoi so azo ti Israel ahunda ngu ti nyongo ni, ala ke ti fa na azo ni so mbi yeke nde si mbi yeke nzoni kue.” KOTA GBIA atene tongaso ndali ti ye so asi na ngu ti Meriba, na Kades, na ya ti benyama ti Zin.

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 7:27

Me lo so ayeke sara pasi na mba ti lo so apusu Moïse si atene na lo: ‘Zo wa laa azia mo makonzi ti fâ ngbanga na popo ti e?

Awatokua 7:35

“Moïse so azo ti Israel ake lo si ala hunda ando lo, atene: ‘Zo wa laa azia mo makonzi ti fâ ngbanga na popo ti e?’, lo laa Nzapa atokua lo tongana makonzi na ndö ti azo ni ti zi ala na gbe ti ngbaa, na lege ti *ange so asi na lo na ya ti wâ so ayeke za na ya ti kete keke.

Awatokua 7:39

Me akotara ti e ake ti ma yanga ti lo, ala ke lo si ala ye ti kiri na Ezipte.

Awatokua 7:9

“Akotara ti e asara kota be na tere ti Joseph, ala ka lo si lo ga ngbaa na kodro ti Ezipte. Me Nzapa ayeke na lo.

Rome 2:25

Taa-tënë, tongana mo fâ *ganza si mo yeke sara ye alingbi na Ndia, fango ganza ni ayeke sara nzoni na mo; me tongana mo fâ ganza si mo sara ye alingbi na Ndia pepe, mo yeke tongana zo so afâ ganza pepe.

Efeze 4:30

Ala mu vundu na Yingo-Vuru pepe. Yingo-Vuru ayeke tongana nzoroko so Nzapa azia na tere ti ala ti fa so ala yeke ti lo. Na lege ti Yingo-Vuru, Nzapa akiri afa so mbeni lâ, fade lo yeke zi ala na ya ti siokpari biani biani.

Ndia ti fani use ni 10:16

Tongaso, alingbi ala fâ be ti ala na *ganza, ala kiri asara ngangu li na KOTA GBIA pepe.

Ndia ti fani use ni 30:6

Fade KOTA GBIA Nzapa ti ala wani laa ayeke fâ be ti ala na *ganza, be ti ala na ti *ahale ti ala, tongaso si ala yeke ye KOTA GBIA Nzapa ti ala na be ti ala kue nga na yingo ti ala kue si ala lingbi ti duti na fini.

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Ndia ti fani use ni 9:13

KOTA GBIA akiri atene na mbi: “Mbi baa azo ni awe, ala yeke azo ti ngangu li!

Ndia ti fani use ni 9:6

Alingbi ala hinga atene, KOTA GBIA Nzapa ti ala ayeke mu ande sese ni na ala titene aga ti ala, me ayeke ndali ti mbirimbiri ti ala pepe. Biani, ala yeke azo ti ngangu li!

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.