Awatokua 7:50 - Mbeti ti Nzapa - Tënë so amu fini

⁵⁰ Maboko ti mbi laa asara aye so kue pepe?’

Awatokua 7:50 ပူးပေါင်းရင်းမြစ်များ

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Ésaïe 40:28

Mo hinga pepe? Mo ma tënë ni pepe? KOTA GBIA ayeke Nzapa so angba lakue lakue; lo laa lo sara sese, alondo na mbeni yanga ni asi na mbeni yanga ni. Ngangu atia ti lo laoko pepe, lo woko laoko pepe. Hingango ye ti lo, zo oko alingbi ti gi nda ni pepe.

Ésaïe 44:24

Israel, *KOTA GBIA so azi mo, lo so lo leke mo gi so mo de na ya ti mama ti mo, tënë so lo tene ayeke so: “Mbi KOTA GBIA laa mbi sara ye kue; mbi oko laa mbi gbara le ti nduzu, mbi oko laa mbi gbara sese; zo wa laa ayeke lani na tere ti mbi, zo wa?

Ésaïe 45:12

Mbi laa mbi sara sese si mbi sara zo na ndö ni. Maboko ti mbi wani laa agbara le ti nduzu si mbi yeke sara komandema na ndö ti aye ti le ti nduzu kue kue kue.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Jérémie 10:11

Tënë so ala yeke tene ande na azo ni ayeke so: anzapa so asara yayu na sese pepe so, fade ala yeke ngba na ndö ti sese so pepe, ala yeke ngba na gbe ti yayu pepe.

Jérémie 32:17

“Ae Kota Gbia NZAPA, mo laa mo sara yayu na sese na lege ti kota ngangu ti mo, na lege ti maboko ti mo so mo yoro. Mbeni ye so ayeke ngangu na mo ayeke daa pepe.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 17:24

Nzapa, lo so asara dunia na aye kue ti ndö ni, lo laa lo yeke *Kota Gbia ti yayu na sese. Lo yeke lango pepe na ya ti da so azo laa asara ni.