Awatokua 7:5 - Mbeti ti Nzapa - Tënë so amu fini

⁵ Nzapa amu na lo mbeni sese na kodro ni pepe titene aga ti lo wani, ataa kete kete ndo titene lo zia gere ti lo daa. Me Nzapa atene na lo: ‘Fade mbi yeke mu kodro ni na mo titene aga ti mo na *ahale ti mo.’ Andaa na ndembe ni so, Abraham ayeke na molenge pepe.

Awatokua 7:5 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 13:15

Tongaso, kodro so mo yeke baa ni so, mbi yeke mu ande ni na mo nga na *ahale ti mo, titene aga ti ala biani biani.

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 16:2

Sarai atene na Abram: “Baa, KOTA GBIA akanga lege na mbi ti dungo ni. Ayeke nzoni mo gue, mo duti na wali so ayeke sara kua na mbi so. E hinga pepe, na lege ti lo, fade mbi yeke wara molenge.” Abram ayeda na tënë ti Sarai.

Tongo nda ti aye 17:8

Fade mbi yeke mu ndo so kue mo hon daa, so ti tene kodro ti Kanaan, ti mu ni biani biani na mo, na ahale ti mo. Mbi yeke duti Nzapa ti ala.”

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 26:3

Mo duti na kodro ni; mbi yeke ande na mo si mbi yeke sara tufa na ndö ti mo, ngbanga ti so mbi yeke mu asese so kue na mo na *ahale ti mo. Mbi yeke sara ye alingbi na tënë ti yanga ti mbi so mbi deba na babâ ti mo Abraham so.

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Ezekiel 33:24

“*Molenge ti zo, azo so angba na Israel si ayeke lango na ya ti gbata so abuba awe so, atene: ‘Abraham ayeke ando gi lo oko si lo mu sese so ti ga ye ti lo. Me ti e, e yeke gbani, e lingbi fadeso ti mu sese so ti ga ye ti e senge.’

Ndia ti fani use ni 10:11

KOTA GBIA atene na mbi: “Londo! Mo mu li ti tambula ni na azo ni. Alingbi ala gue, amu sese so mbi deba yanga ti mbi na akotara ti ala ti mu na ala so!”

Ndia ti fani use ni 11:9

tongaso, fade gigi ti ala ayeke gue, ayo na ya ti sese so KOTA GBIA adeba yanga ti lo ti mu na akotara ti ala nga na *ahale ti ala; *sese so ngu ti me ti bagara na mafuta ti wotoro asi singo daa.

Ndia ti fani use ni 2:5

Ala sara bira na a-ita ti ala ni pepe! Fade mbi yeke mu sese na ala pepe na ya ti kodro ti a-ita ti ala ni, ataa mbeni kete ndo titene ala zia gere ti ala daa. Biani, mbi mu na ahale ti Ezau sese ti ahoto ti Seir titene aga ti ala awe.

Ndia ti fani use ni 34:4

Tongaso KOTA GBIA atene na lo: “So ayeke sese so mbi deba yanga ti mbi ando ti mu na Abraham, Isaac na Jacob si mbi tene: ‘Fade mbi yeke mu sese ni na *ahale ti ala.’ Mbi fa ni na mo titene mo baa ni na le ti mo, me mo yeke si daa pepe.”

Ndia ti fani use ni 9:5

Ala azo ti Israel, tongana ala wara lege ti mu sese ti azo ti mara ni titene aga ti ala, ayeke ngbanga ti mbirimbiri ti ala pepe wala ayeke ngbanga ti so be ti ala ayeke mbirimbiri. Me KOTA GBIA ayeke tumba azo ni, ngbanga ti so sarango ye ti ala ayeke sioni. Lo yeke tumba nga azo ni ti sara si zendo so lo mu ando na akotara ti ala Abraham, Isaac na Jacob aga taa-tënë.