Awatokua 7:48 - Mbeti ti Nzapa - Tënë so amu fini

⁴⁸ Me Nzapa so ayeke na yayu kâ na ndö ti aye kue ayeke lango na ya ti ada so azo asara ni na maboko ti ala pepe. Tënë ni alingbi na tënë so wayanga-Nzapa atene:

Awatokua 7:48 ပူးပေါင်းရင်းမြစ်များ

1 Agbia 8:27

“Me Nzapa alingbi biani ti duti na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

2 Mbai 6:18

“Me Nzapa alingbi biani ti duti na ndo oko na azo na ndö ti sese so? So yayu so akono ahon ndoni alingbi na konongo ti lo pepe si kota da so mbi sara ayeke kete mingi so!

Abia (Psaumes) 46:4

ataa *amapo ti kota ngu-ingo atoto, asuku, ataa ngangu ti angu ni ayingi akota hoto. Luti kete

Abia (Psaumes) 7:17

Sioni so lo leke na be ti lo so ayeke kiri na li ti lo; aye ti ngangu so lo sara na amba ti lo ayeke kiri na ndö ti lo wani.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

Abia (Psaumes) 91:9

– Biani, KOTA GBIA, mo laa mo yeke ndo so mbi kpe daa ti bata tere ti mbi! – So mo sara si Nzapa so ayeke na yayu kâ na ndö ti aye kue aga ndo ti dutingo ti mo,

Abia (Psaumes) 92:8

Ataa azo ti sioni ayeke mai tongana pere, ataa azo ti sarango sioni ayeke tongana kongo so asigigi, fade a yeke hunzi ala biani biani.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:34

Ndani laa, fadeso mbi Nabukodonosor, mbi sepela, mbi ya iri si mbi gonda gbia so ayeke na yayu! Aye so kue lo yeke sara ayeke na legeni; asarango ye ti lo kue ayeke mbirimbiri. Lo yeke na ngangu ti sara si azo ti baba aga akete zo.”

Osée 7:16

Tongana ala yeke kiri, ala yeke kiri na mbage ti mbi pepe. Ala yeke tongana kokora so aba bango. Fade amakonzi ti ala ayeke kui na ya ti bira ndali ti sioni yanga ti ala; ye so ayeke sara si azo ayeke he ala na ngia na sese ti Ezipte.”

Nzoni Tënë so Luc asu na mbeti 1:32

Lo yeke ga kota si a yeke iri lo *Molenge ti Nzapa so ayeke na yayu kâ na ndö ti aye kue. Kota Gbia Nzapa ayeke mu na lo mbata ti gbia ti kotara ti lo David.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

Ndia ti fani use ni 32:8

Na ngoi so Nzapa so ayeke na yayu kâ na ndö ti aye kue amu sese na amara titene aga ti ala, na ngoi so lo kangbi popo ti azo ti ndö ti sese, lo fa katikati ti sese ti amara na lege ti wungo ti azo ti Israel.