Awatokua 7:44 - Mbeti ti Nzapa - Tënë so amu fini

⁴⁴ “Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

Awatokua 7:44 ပူးပေါင်းရင်းမြစ်များ

1 Mbai 28:11

David amu na molenge ti lo Salomon mbeti so afa kode ti sarango na da ti Nzapa, akubu ti ada so ayeke na tere ni, akubu so a yeke bata amosoro daa, akubu so a leke ni na nduzu, akubu so ayeke na be ti da ni nga na kubu so a yeke zia sanduku ti *mbuki daa.

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

2 Mbai 24:6

Nilaa gbia airi Yoyada, kota wayango-sandaga si atene na lo: “Moïse, zo ti kua ti KOTA GBIA na bongbi ti azo ti Nzapa afa ando wungo ti nginza na azo ti Jérusalem nga na azo ti Juda titene ala futa si a leke na da ti Nzapa so mbeti ti *mbuki ayeke daa. Ngbanga ti nyen si mo hunda na ngangu na azo ti mara ti Lévi ti ro nginza ni pepe so?”

Sigingo 25:40

Moïse, mo baa ye ni nzoni, fade mo yeke sara kue ti sara ye ni alingbi gi na kode so mbi fa na mo na li ti hoto so.”

Sigingo 26:30

Moïse, fade mo yeke yo na nduzu da so Nzapa ayeke duti daa, alingbi gi na kode so mbi fa na mo ge na li ti hoto so.

Sigingo 27:8

Ala yeke sara gbalaka ni na *mabaya si ya ni ayeke senge. Ala yeke sara ni alingbi gi na kode so mbi fa na mo ge na li ti hoto so.”

Sigingo 38:21

So ayeke wungo ti aye so azo aga na ni ti sara na da so Nzapa ayeke duti daa; da so a yeke bata atêne so a su atënë ti mbuki na le ni. Azo ti mara ti Lévi adiko wungo ti aye ni alingbi na yanga so Moïse amu; ala diko ni na gbe ti Itamar, molenge ti wayango-sandaga Aaron.

Wungo ti azo 10:11

Na nze use ti use ngu ni, na lango baleuse ni, ngbongboro mbinda alondo na ndö ti da ni ti hon, da so a zia atêne na ya ni, atêne so a su atënë ti *mbuki na le ni.

Wungo ti azo 18:2

Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni.

Wungo ti azo 9:15

Na lango so a leke da ni na nduzu awe, ngbongboro mbinda aga amu ndö ni kue, da so a zia atêne na ya ni, atêne so a su atënë ti *mbuki na le ni. Ti londo na lakui ngbii asi na ndaperere, mbinda ni angba na ndö ti da ni si ayeke za zango tongana wâ.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Josué 3:14

Na ndembe so azo ni alondo na ya ti bâbâ ni ti fâ ngu ti Jourdain, awayango-sandaga so ayeke yo sanduku ti mbuki ni ahon ti ala kozo ti azo ni.