Awatokua 7:34 - Mbeti ti Nzapa - Tënë so amu fini

³⁴ Mbi baa azo ti mbi ayeke baa pasi mingi na Ezipte, mbi ma toto ti ala si mbi zu ti zi ala na gbe ti ngbaa. Fadeso mo gue, mbi yeke tokua mo na Ezipte.’

Awatokua 7:34 ပူးပေါင်းရင်းမြစ်များ

Tongo nda ti aye 11:5

KOTA GBIA azu ti baa gbata ni na da so ayo na nduzu, so amolenge ti Adam ayeke leke ni so.

Tongo nda ti aye 11:7

Tongaso e zu, e buba ya ti yanga ti kodro ti ala si mbeni zo akiri ama tënë so mba ti lo atene na lo pepe!”

Tongo nda ti aye 18:21

Ndani laa mbi ye ti zu ti baa wala ala sara ye ni biani alingbi na tënë ti toto so mbi ma so. Tongana tënë ni ayeke mvene wala taa-tënë, mbi yeke hinga ande.”

Néhémie 9:9

Pasi so akotara ti e abaa lani na Ezipte, mo baa ni kue; mo ma toto ti ala na yanga ti kota ngu-ingo ti Asosongo.

Abia (Psaumes) 105:26

Tongaso lo tokua Moïse, zo ti kua ti lo nga na Aaron so lo soro lo.

Abia (Psaumes) 106:44

Me tongana KOTA GBIA ama toto ti ala si lo baa ye ti ngangu so asi na ala,

Abia (Psaumes) 144:5

KOTA GBIA, dingi le ti nduzu, mo zu na sese; ndu ahoto si guru asigigi daa.

Sigingo 3:14

Nzapa atene na Moïse: “MBI YEKE SO MBI YEKE”. Fade mo tene na azo ti Israel, mo tene: “MBI YEKE laa atokua mbi na ala.”

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Ésaïe 64:1

ka mo yeke ga tongana wâ so ayeke gbi akete keke so ahole, tongana wâ so ayeke sara si ngu akporo; ka mo sara si awato ti mo ahinga mo; na dawa ti mo, ka tere ti amara nde ado!

Osée 12:13

Jacob akpe ague na sese ti Mezopotamii ti nduzu, Israel asara kua na mbeni koli titene lo wara wali. Ndali ti wali, lo ga zo ti batango anyama.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Wungo ti azo 11:17

Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.

Jean 3:13

Zo oko ade ti ma na yayu pepe, gi *Molenge ti Zo; lo laa lo londo na yayu si lo zu na sese.

Jean 6:38

Mbi londo na yayu, mbi ga na ndo so ti sara ye ti be ti mbi pepe, me ti sara ye so be ti lo so atokua mbi aye.

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.