Awatokua 7:30 - Mbeti ti Nzapa - Tënë so amu fini

³⁰ “Ngu baleosio na pekoni, na ya ti benyama, nduru na hoto ti Sinai, mbeni *ange asi na Moïse na ya ti mbeni wâ so ayeke za na ya ti kete keke ti ki.

Awatokua 7:30 ပူးပေါင်းရင်းမြစ်များ

1 Agbia 19:8

Élie alondo, lo te, lo nyon. So lo wara ngangu na lege ti kobe so awe, lo tambula lango baleosio, na bi baleosio ngbii lo si na Horeb, hoto ti Nzapa.

Abia (Psaumes) 66:12

Mo yeda si azo ti kpengo na mbarata atambula na ndö ti li ti e. E hon na ya ti wâ, e hon na ya ti ngu, me mo zi e na ya ni ti mu na e kodro so gba ti aye asi singo daa.

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 7:7

Na ngoi so Moïse na Aaron ague, atene tënë na Faraon so, ngu ti Moïse ayeke balemiombe, ngu ti Aaron ayeke balemiombe na ota.

Ésaïe 43:2

Tongana mo hon na ya ti kota ngu, fade mbi yeke na mo; tongana mo fâ *abale, abale ni ayeke mene mo pepe. Tongana mo hon na ya ti wâ, wâ ni ayeke gbi mo pepe, menga ti wâ ni ayeke ndu mo pepe.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Daniel 3:27

Amakonzi, akota komanda, agovoronere na awamungo-wango ti gbia abongbi gbani gbani ti baa akoli ota so; ala baa tere ti ala kpoo: wâ ni andu mbeni ye ti tere ti ala oko pepe, kua ti li ti ala agbi pepe, abongo ti ala agbi nga pepe, tere ti ala afun guru pepe.

Malashii 3:1

Tënë so *KOTA GBIA so ayeke na ndö ti dunia kue atene laa: “Baa, mbi yeke tokua zo ti mbi; lo yeke leke lege na dawa ti mbi. Gi hio tongaso, kota zo so ala yeke gi lo so, fade lo yeke si na ya ti kota da ti lo. Zo ti tokua so ala sara nzara ti lo so ayeke ga ti fa tënë ti *mbuki ti mbi na ala.

Marc 12:26

Âdu ti tënë ti zingongo ti akuâ, ala asadusien, ala diko tënë ni na ya ti buku so Moïse asu so pepe? So lani lo ma go ti Nzapa na ya ti kete keke ti ki, atene: ‘Mbi yeke Nzapa ti Abraham, Nzapa ti Isaac na Nzapa ti Jacob!’

Nzoni Tënë so Luc asu na mbeti 20:37

Moïse wani afa ando polele atene, fade akuâ ayeke zingo. Biani, na ndo so lo tene tënë ti kete keke ti ki daa, lo iri Kota Gbia, atene: ‘Nzapa ti Abraham, Nzapa ti Isaac, Nzapa ti Jacob.’ ”

Awatokua 7:17

“So ngoi aga nduru titene tënë ti zendo so Nzapa amu ando na Abraham aga taa-tënë, azo ti mara ti e adu mingi si ala si singo na Ezipte.”

Awatokua 7:31

So Moïse abaa ye so, li ti lo akpe si lo gue nduru ti baa ye ni nzoni. Tongaso lo ma go ti *Kota Gbia, atene:

Awatokua 7:32

‘Mbi yeke Nzapa ti akotara ti mo, Nzapa ti Abraham, ti Isaac na ti Jacob.’ Tere ti Moïse ayeke do na mbeto si lo ye ti kiri ti baa ye ni pepe.

Awatokua 7:35

“Moïse so azo ti Israel ake lo si ala hunda ando lo, atene: ‘Zo wa laa azia mo makonzi ti fâ ngbanga na popo ti e?’, lo laa Nzapa atokua lo tongana makonzi na ndö ti azo ni ti zi ala na gbe ti ngbaa, na lege ti *ange so asi na lo na ya ti wâ so ayeke za na ya ti kete keke.

Galasii 4:25

Agar ayeke hoto ti Sinai so ayeke na sese ti Arabii. Lo yeke tapande ti Jérusalem ti laso, ndali ti so lo na amolenge ti lo kue ayeke angbaa.

Ndia ti fani use ni 33:16

Ayeke nzoni amosoro ti kodro so anzoni ye asi singo daa nga na nzoni be ti Nzapa so aduti na ya ti kete keke aga na ndö ti azo ti mara ti Joseph, na ndö ti lo so lo yeke lani makonzi ti a-ita ti lo.

Ndia ti fani use ni 4:20

Me ti ala, azo ti Israel, KOTA GBIA amu ala, lo sara si ala sigigi na sese ti Ezipte, ndo so ala baa pasi daa tongana ti zo so ayeke na ya ti kota fur. Lo sara si ala ga azo ti lo wani, tongana ti so ala yeke laso.