Awatokua 7:26 - Mbeti ti Nzapa - Tënë so amu fini

²⁶ Lango oko na pekoni, lo baa azo ti Israel use so ayeke tiri si lo gue ti leke songo na popo ti ala. Lo tene na ala: ‘A-ita ti mbi, ala ma mbi; ala yeke a-ita, ala yeke tiri ngbanga ti nyen?’

Awatokua 7:26 ပူးပေါင်းရင်းမြစ်များ

Tongo nda ti aye 13:8

Abram atene na Lot: “Ayeke nzoni mbi na mo, e papa na popo ti e pepe si awabatango-nyama ti mbi na ala ti mo apapa nga na popo ti ala pepe, ngbanga ti so e yeke a-ita.

Tongo nda ti aye 45:24

Lo zia lege na a-ita ti lo titene ala gue. Lo tene na ala, lo tene “Ala papa na lege pepe.”

Abia (Psaumes) 133:1

A yeke he bia so na ndembe ti guengo ni na Jérusalem. Bia ti David. Baa, so ayeke nzoni ye mingi si anzere mingi titene a-ita aduti na ndo oko, na beoko.

Amato 18:19

Ayeke ngangu ti ga nduru na tere ti mbeni ita so be ti lo aso tongana ti so ayeke ngangu ti li na ya ti mbeni gbata so ngangu gbagba ayeke na tere ni. Atënë ti papa ayeke tongana ngbongboro wen so a yeke kanga na yanga-da ti kota zo.

Matthieu 14:22

Gi na pekoni, Jésus amu yanga na adisiple ti lo titene ala ko na ya ti ngo ti gue kozo ti lo na mbage ti ngu ni. Lo ngba ti lo na ndo so titene lo zia lege na gba ti azo ni ti kiri na da ti ala.

Awatokua 7:25

Lo baa ti lo, lo tene fade a-ita ti lo, azo ti Israel ayeke hinga atene, na lege ti lo laa Nzapa ayeke sara titene ala sigigi na gbe ti ngbaa; me azo ti Israel ama ya ni pepe.

Filipe 2:1

Gango so ala ga oko na Christ asara si ala kpengba. Ndoye ti lo asara si be ti ala awara ngangu, ala yeke na beoko na Yingo, ala ye tere si ala yeke sara nzoni be na azo.

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.