Awatokua 7:23 - Mbeti ti Nzapa - Tënë so amu fini

²³ So ngu ti Moïse alingbi baleosio awe, lo leke na be ti lo ti gue ti baa a-ita ti lo, azo ti Israel.

Awatokua 7:23 ပူးပေါင်းရင်းမြစ်များ

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Sigingo 35:21

Na pekoni, azo kue ti nzoni be, na be ti ala wani abongbi ambeni ye aga na ni na KOTA GBIA ti sara na da ti bongo so KOTA GBIA na azo ti lo ayeke wara tere daa. Ala ga nga na aye ni ndali ti akua ti lo kue nga ti sara na abongo so a zia nde ndali ti kua ti Nzapa.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Sigingo 4:18

Moïse ague na mbage ti kogara ti lo Zetro si atene na lo: “Mbi gbu gere ti mo, mbi ye ti kiri na tere ti a-ita ti mbi na sese ti Ezipte, ti baa wala ala ngba na fini.” Zetro ayeda si atene na lo: “Gue nzoni!”

Sigingo 7:7

Na ngoi so Moïse na Aaron ague, atene tënë na Faraon so, ngu ti Moïse ayeke balemiombe, ngu ti Aaron ayeke balemiombe na ota.

Amato 21:1

Tënë ti be ti gbia ayeke na ya ti maboko ti KOTA GBIA tongana kete ngu so ayeke sua. KOTA GBIA ayeke hon na atënë ti be ni na ndo so kue be ti lo wani aye.

Awatokua 15:36

Aninga kete na pekoni, Paul atene na Barnabas: “E kiri, e baa a-ita so ayeke na ya ti agbata so kue e fa tënë ti *Kota Gbia daa kozoni so; e baa dutingo ti ala kâ ayeke tongana nyen.”

Awatokua 7:24

Lo baa mbeni ita ti lo so mbeni zo ti Ezipte ayeke sara pasi na lo. Tongaso lo gbu koko ti ita ti lo so ayeke baa pasi so, lo kiri peko ti sioni ni na zo ti Ezipte si lo fâ lo.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Aye so Nzapa afa 17:17

Biani, Nzapa azia na be ti ala titene ala sara gi ye so lo wani, lo ye. Fade tënë ti be ti ala ayeke gi oko, ala yeke mu komandema ti ala na nyama ni ngbii ye kue asi alingbi na tënë ti Nzapa.