Awatokua 7:2 - Mbeti ti Nzapa - Tënë so amu fini

² Étienne akiri tënë: “Ababâ, a-ita, ala ma mbi! Kozo titene kotara ti e Abraham ague ti duti na kodro ti Haran, Nzapa ti gonda asi na lo na Mezopotamii

Awatokua 7:2 ပူးပေါင်းရင်းမြစ်များ

Tongo nda ti aye 11:31

Tera amu molenge ti lo Abram, na ata ti lo Lot, molenge ti Haran, na kogara ti lo Sarai, wali ti molenge ti lo Abram si lo na ala alondo na sese ti Babilonii, na gbata ti Ur ti gue na kodro ti Kanaan. Ala gue, asi na gbata ti Haran si ala sara kodro kâ.

Tongo nda ti aye 12:1

KOTA GBIA atene na Abram: “Londo, mo zia kodro ti mo, sewa ti mo, na da ti babâ ti mo; mo gue na kodro so fade mbi yeke fa na mo.

Tongo nda ti aye 12:5

Lo mu wali ti lo Sarai, Lot, molenge ti ita ti lo, aye so kue ala wara na Haran na angbaa so ala vo ala. Ala mu lege ti gue na kodro ti Kanaan. Ala gue, asi na sese ti Kanaan.

Tongo nda ti aye 15:7

KOTA GBIA atene na lo: “Mbi KOTA GBIA laa, mbi mu mo na gbata ti Ur so ayeke na sese ti Babilonii, mbi sigigi na mo ti mu na mo kodro so mo duti daa so titene aga ti mo.”

Tongo nda ti aye 29:4

Jacob ahunda awabatango-nyama ni, atene: “A-ita, ala yeke azo ti kodro wa?” Ala kiri tënë na lo, atene: “E yeke azo ti kodro ti Haran.”

Néhémie 9:7

Mo KOTA GBIA Nzapa laa mo soro Abram; mo sara si lo londo na Ur, na sese ti Kalde, lo hon, mo di iri ti lo Abraham.

Abia (Psaumes) 24:10

– Gbia ti gonda ni ayeke zo wa? – KOTA GBIA laa, lo so lo yeke na ndö ti dunia kue. Lo laa lo yeke Gbia ti gonda ni. Luti kete

Abia (Psaumes) 24:7

Ayanga ti da, ala zi tere ti ala kota! Ayanga ti da ti lakue lakue, ala zi tere ti ala! Ala zia lege si Gbia ti gonda ali!

Abia (Psaumes) 29:3

Go ti KOTA GBIA atoto amu ndö ti angu kue. Nzapa ti gonda asara si bekpa asungba, KOTA GBIA amu ndö ti akota ngu kue.

Ésaïe 37:12

So ababâ ti mbi abuba ando agbata tongana: Gozan, Haran, Resef nga na gbata ti Telasar so azo ti sese ti Bet-Eden ayeke lango ando daa so, anzapa ti ala azi ala na maboko ti ababâ ti mbi ni?

Ésaïe 51:2

Ala baa Abraham, babâ ti ala, ala baa Sara so adu ala. Biani, Abraham ayeke lani gi lo oko si mbi iri lo. Mbi sara tufa na ndö ti lo si lo ga kotara ti gba ti azo.”

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 12:41

Ésaïe atene ando tënë so, ngbanga ti so lo baa gonda ti Jésus si lo tene tënë ti lo.

Awatokua 22:1

“Ababâ, a-ita, ala ma tënë so mbi ye ti tene na ala na ndö ti tënë so ala bi na li ti mbi so.”

Awatokua 23:7

So lo de ti hunzi tënë ti lo ni pepe, papa alondo na popo ti afarizien na asadusien si popo ti ala akangbi.

Awatokua 7:1

Kota wayango-sandaga ahunda Étienne, atene: “Tënë ni ayeke tongaso?”

1 Korente 2:8

Mbeni oko na popo ti ala so ayeke na komandema na ndö ti dunia so ahinga tënë ti ndara ni pepe. Tongana ala hinga ni fade, ka ala fâ *Kota Gbia na ndö ti keke ti kroa pepe, Kota Gbia so alingbi na gonda.

Efeze 1:17

Mbi hunda na Nzapa ti Kota Gbia ti e Jésus Christ, Babâ so ayeke na gonda, titene lo mu na ala Yingo ti ndara. Fade Yingo ni ayeke fa Nzapa na ala, tongaso si ala hinga lo nzoni.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

Josué 24:2

Tongaso Josué atene na azo ni kue, atene: “Tënë so *KOTA GBIA, Nzapa ti Israel atene ayeke so: ‘Akotara ti ala so ayeke azo ti sewa ti Tera, babâ ti Abraham na babâ ti Nahor ayeke ando na mbage ti ngu ti Efrate. Akotara ti ala ni ayeke voro ando ambeni nzapa nde.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”