Awatokua 7:16 - Mbeti ti Nzapa - Tënë so amu fini

¹⁶ A mu kuâ ti ala, a gue na ni na gbata ti Sishem si a lu ala na ya ti du ti kuâ so Abraham avo ando kâ na nginza na maboko ti amolenge ti Hamor.

Awatokua 7:16 ပူးပေါင်းရင်းမြစ်များ

Tongo nda ti aye 23:16

Abraham ama tere na Efron; lo diko ale ti nginza alingbi na ti so Efron adiko na le ti azo ti mara ti Het kue so si lo mu na lo. Wungo ti nginza ni ayeke ale ti nginza ngbangbo osio, so azo ayeke vo na ye na ngoi ni kâ.

Tongo nda ti aye 23:4

“Mbi yeke wande so aduti na popo ti ala, mbi yeke wande so aga ndali ti mbeni kete ngoi. Ayeke nzoni ala mu na mbi mbeni sese ti ala titene mbi lu kuâ ti wali ti mbi daa, wali ti mbi so ahon na tere ti mbi so.”

Tongo nda ti aye 35:19

Rachel akui si a lu lo na lege ti Efrata, so ti tene na Betlehem.

Tongo nda ti aye 47:30

Mbi yeke kui ti mu peko ti akotara ti mbi. Ayeke nzoni mo mu kuâ ti mbi na kodro ti Ezipte, mo gue, mo lu ni na ndo so a lu akotara ti mbi daa.” Joseph akiri tënë na lo, atene: “Mbi yeke sara ande tongana ti so mo hunda so.”

Tongo nda ti aye 50:12

Amolenge ti Jacob asara gi ye so babâ ti ala amu yanga na ala ti sara.

Tongo nda ti aye 50:13

Ala mu kuâ ti lo, ala gue na ni na sese ti Kanaan si ala lu lo na ya ti du ti têne so ayeke na yaka ti Makpela, so Abraham avo ni na yaka ni kue na maboko ti Efron, zo ti mara ti Het titene aga ndo ti lungo akuâ ti sewa ti lo. Yaka ni abaa le na kodro ti Mamre.

Sigingo 13:19

Moïse amu abio ti Joseph ague na ni, ngbanga ti so Joseph ahunda ando na azo ti Israel atene: “Gba fade Nzapa ayeke ga ti mu maboko na ala; ala deba yanga ti ala ti mu abio ti mbi ti gue na ni.”

Josué 24:32

Ti abio ti Joseph so azo ti Israel amu na Ezipte si akiri na ni, ala lu ni na Sishem, na sese so Jacob avo na maboko ti amolenge ti Hamor, babâ ti Sishem. Lo vo ni na ale ti nginza ngbangbo oko. Sese ni aga fadeso ti amolenge ti Joseph.