Awatokua 7:10 - Mbeti ti Nzapa - Tënë so amu fini

¹⁰ Nzapa azi lo na ya ti aye ti ngangu so kue asi na lo. So Joseph asi na gbe ti Faraon, gbia ti Ezipte, Nzapa amu na lo ndara si lo sara titene gbia ni abaa lo na nzoni le. Tongaso gbia ni azia Joseph ti sara komandema na ndö ti Ezipte nga na ndö ti aye ti da ti lo kue.

Awatokua 7:10 ပူးပေါင်းရင်းမြစ်များ

Tongo nda ti aye 39:21

*KOTA GBIA ayeke na Joseph, lo sara nzoni be na Joseph; lo sara titene makonzi ti da ti kanga ni abaa Joseph na nzoni le.

Tongo nda ti aye 42:6

Joseph laa ayeke kota komanda ti kodro ni kue; lo laa lo yeke baa lege ti kango ale ti kobe na azo ti kodro kue. Tongaso a-ita ti Joseph asi, ala kuku, akpo li ti ala na sese na gbe ti lo.

Tongo nda ti aye 44:18

Juda ague nduru na tere ti Joseph si lo tene na lo: “Kota zo, mbi gbu gere ti mo, zia mbi, zo ti gbe ti mo, mbi tene mbeni tënë, mo ma. Zia ngonzo ti mo alondo ngangu na tere ti mbi pepe, ngbanga ti so mo yeke tongana Faraon.

Tongo nda ti aye 48:16

ayeke nzoni *ange so azi mbi na ya ti ye ti sioni asara tufa na ndö ti amolenge so. Ayeke nzoni iri ti mbi na ti ababâ ti mbi Abraham na Isaac angba ti wu ndali ti ala. Ayeke nzoni ala du amolenge mingi si ala wu mingi na ndö ti sese.”

1 Agbia 8:50

Siokpari so ala sara ti ke mo, mo zi tënë ni na li ti ala. Asioni so kue ala sara ti ke mo, mo zi tënë ni na li ti ala; mo zia lege na azo so agbu azo ti mo si ague na ala na kodro wande titene ala baa mawa ti azo ti mo.

Abia (Psaumes) 22:24

“Ala so ayeke kpe mbeto ti KOTA GBIA, ala gonda lo! Ala azo ti mara ti Jacob kue, ala ne lo! Ala azo ti mara ti Israel kue, ala duti na mbeto ti lo!

Abia (Psaumes) 37:40

KOTA GBIA ayeke mu maboko na ala, lo yeke zi ala; lo yeke zi ala na maboko ti azo ti sioni si lo yeke soo ala, ngbanga ti so ala kpe na lo ti bata tere ti ala.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Amato 2:6

KOTA GBIA laa ayeke mu ndara na zo; hingango ye na hingango ndo alondo na lo.

Amato 3:4

Tongaso, fade Nzapa na azo ayeke ye tënë ti mo; ala yeke gonda mo ndali ti zingo le ti mo.

Jérémie 39:12

“Gue mo mu lo, mo baa ndo na tere ti lo; mo sara sioni na lo pepe, me mo sara na lo ye so kue lo yeke hunda na mo.”

2 Timothée 4:18

Fade Kota Gbia ayeke zi mbi na ya ti ye ti sioni so kue azo aleke ti sara na mbi, fade lo yeke soo mbi na kuâ si lo yeke gue na mbi na yayu, kodro-gbia ti lo. Gonda ayeke ti lo kpu na kpu! Amen.

Jacques 5:11

Ala baa, azo so akanga be ti ala na ya ti aye ti pasi so, e tene: ti ala nzoni! Ala ma tënë ti kangango be ti Job awe, ala baa ye so Kota Gbia amu na lo na pekoni, ngbanga ti so Kota Gbia ayeke na nzoni be mingi si lo yeke baa mawa ti azo.

Aye so Nzapa afa 7:14

Mbi kiri tënë na lo, mbi tene: “Kota zo, mo laa mo hinga.” Lo kiri tënë na mbi: “Ala yeke azo so a sara ngangu mingi na ala na ngoi ti aye ti ngangu. Ala sukula bongo ti ala na ya ti mene ti Molenge ti Taba, ala sara si bongo ni avuru.”