Awatokua 6:9 - Mbeti ti Nzapa - Tënë so amu fini

⁹ Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

Awatokua 6:9 ပူးပေါင်းရင်းမြစ်များ

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Matthieu 23:34

Ndani laa, mbi yeke tokua na ala awayanga-Nzapa, azo ti ndara na awafango-ndia. Ala, afarizien na awafango-ndia, ala yeke fâ ande ambeni si ala yeke fâ ambeni na ndö ti keke ti kroa. Ala yeke pika ambeni na fimbo na ya ti ada ti sambelango Nzapa ti ala si ala yeke tumba peko ti ala na ya ti agbata oko oko kue.

Matthieu 27:32

So ala yeke sigigi na ya ti gbata ni, ala tengbi na mbeni koli ti Sirene so iri ti lo ayeke Simon. Ala gbu lo na ngangu titene lo yo keke ti kroa ti Jésus.

Marc 13:9

Me ti ala, ala sara hange! Fade azo ayeke gue na ala na gbe ti ngbanga; azo ayeke pika ala na ya ti ada ti sambelango Nzapa. Ala yeke luti na le ti agovoronere na agbia ndali ti mbi titene ala tene tënë ti mbi na le ti ala.

Nzoni Tënë so Luc asu na mbeti 21:12

Me kozoni si aye so kue asi, fade azo ayeke gbu ala ti sara ngangu na ala, azo ayeke gue na ala na ya ti ada ti sambelango Nzapa, azo ayeke bi ala na da ti kanga; azo ayeke gue na ala na gbe ti agbia nga na gbe ti agovoronere ndali ti iri ti mbi.

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 13:1

Na *Eglize ti Antioshe, *awayanga-Nzapa na awafango-ye ayeke daa: Barnabas, Siméon so a iri lo Zo-vuko, Lusius ti kodro ti Sirene, Manaen so lo na kota komanda Herode akono oko, na Saul.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 16:6

Paul na Silas ahon hongo na asese ti Frizii na ti Galasii, ngbanga ti so Yingo-Vuru ake na ala ti fa tënë na sese ti Azii.

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 19:10

Ye so asara ngu use. Tongaso azo ti Azii kue, azuife na azo ti amara nde awara lege ti ma tënë ti Kota Gbia.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Awatokua 21:27

So lango mbarambara ni aga nduru ti hunzi awe, ambeni zuife ti sese ti Azii abaa Paul na ya ti kota da ti Nzapa. Ala pusu gba ti azo ti sara wusuwusu, ala gbu lo.

Awatokua 21:39

Paul akiri tënë, atene: “Mbi yeke zuife, a du mbi na Tarse, na sese ti Silisii. Mbi yeke zo ti mbeni kota gbata. Mbi gbu gere ti mo, mu na mbi lege ti tene tënë na azo ni.”

Awatokua 22:19

Mbi kiri tënë, mbi tene: ‘Kota Gbia, ala hinga kue atene, mbi yeke gue ando na ya ti ada ti sambelango Nzapa, mbi yeke sara si a gbu azo so ama na be na mo, a bi ala na da ti kanga si a pika ala.

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Awatokua 23:34

Govoronere adiko mbeti ni si lo hunda Paul atene, lo yeke zo ti sese wa? So lo hinga atene, Paul ayeke zo ti Silisii,

Awatokua 24:18

Na ndembe so laa, ala wara mbi na ya ti kota da ti Nzapa, na peko ti so mbi hunzi *sukulango sioni ti mbi. Andaa mbi bongbi azo na tere ti mbi pepe, azo asara wusuwusu pepe.

Awatokua 26:11

Lege mingi, mbi gue na ya ti ada ti sambelango Nzapa si mbi yeke sara pasi na ala, mbi yeke gbu ala na ngangu titene ala zonga Jésus. Ngonzo agbu mbi na tere ti ala ahon ndoni si mbi tumba peko ti ala ngbii mbi si na ya ti agbata ti awande ti sara ngangu na ala.”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

1 Korente 1:20

Zo ti ndara ayeke na ndo wa? Wafango-ndia ayeke na ndo wa? Zo ti *bingbingo tënë ti ngoi so ayeke na ndo wa? Nzapa asara si ndara ti dunia so aga gi buba ye.

Galasii 1:21

Na pekoni, mbi gue na sese ti Sirii na ti Silisii.