Awatokua 6:8 - Mbeti ti Nzapa - Tënë so amu fini

⁸ Nzapa asara nzoni be mingi na Étienne si lo mu na lo ngangu mingi, nilaa Étienne ayeke sara akota ye ti kpene na aye ti dongo be na popo ti azo ni.

Awatokua 6:8 ပူးပေါင်းရင်းမြစ်များ

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 6:15

Le ti azo ti Kota Bongbi ti Fango Ngbanga kue atuku gi na ndö ti Étienne. Ala baa so le ti lo aga tongana ti mbeni *ange.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

Awatokua 6:5

Tënë so anzere na be ti azo ni kue si ala soro Étienne so asi singo na mabe nga na Yingo-Vuru, lo na Philippe, Prokor, Nikanor, Timon, Parmenas na Nicolas, zo ti Antioshe si lo yeke bata *Ndia ti Moïse.

Awatokua 7:55

Me Yingo-Vuru asi Étienne; lo baa ndo na yayu si lo baa gonda ti Nzapa nga na Jésus so aluti na tere ti Nzapa na mbage ti maboko ti lo ti koli.

Awatokua 8:6

Gba ti azo ti gbata ni ama tënë ti aye ti kpene so Philippe asara, ala baa ni si ala zi mê ti ala mbirimbiri ti ma tënë so lo yeke tene.

Efeze 4:11

Lo laa lo mu amatabisi na azo; lo mu lege na ambeni ti ga *awatokua, wala awayanga-Nzapa, wala azo ti fango Nzoni Tënë, wala azo ti batango azo ti *Eglize wala awafango-ye.

1 Timothée 3:13

Adiakre so ayeke sara kua ti ala na legeni, ala yeke wara nzoni ndo. Ala yeke tene tënë na mbeto pepe, ngbanga ti so ala ma na be si ala ga oko na Jésus Christ awe.