Awatokua 6:6 - Mbeti ti Nzapa - Tënë so amu fini

⁶ Azo ni afa ala na awatokua. Awatokua asambela Nzapa si azia maboko na ndö ti ala.

Awatokua 6:6 ပူးပေါင်းရင်းမြစ်များ

Wungo ti azo 27:18

KOTA GBIA akiri tënë na Moïse, atene: “Mo mu Josué, molenge ti Nune. Lo yeke zo so yingo ti mbi ayeke na lo; mo zia maboko na li ti lo.

Wungo ti azo 8:10

Mo yeke iri azo ti mara ti Lévi ti ga na dawa ti KOTA GBIA si azo ti Israel kue ayeke zia maboko na ndö ti ala.

Marc 5:23

si lo voro Jésus mingi ti mu na lo maboko; lo tene: “Molenge ti mbi ti wali aga nduru ti kui. Mo ga, mo zia maboko ti mo na ndö ti lo titene lo soo kuâ si lo ngba na fini!”

Awatokua 1:24

Na pekoni, ala sambela Nzapa, atene: “Kota Gbia, mo hinga be ti azo kue. Tongaso, na popo ti azo use so, fa na e zo wa laa mo soro lo

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 19:6

Paul azia maboko na ndö ti ala si Yingo-Vuru aga na ndö ti ala; ala to nda ti tene tënë na ayanga nde nde si ala tene peko ti tënë ti yanga ti Nzapa.

Awatokua 8:17

Tongaso Pierre na Jean azia maboko na ndö ti ala si ala wara Yingo-Vuru.

Awatokua 9:12

si lo baa mbeni koli so iri ti lo Ananias asi na lo na ya ti mbeni ye tongana bango-li. Koli ni ali si azia maboko na ndö ti Saul titene lo kiri lo baa ndo.”

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Ndia ti fani use ni 34:9

Josué, molenge ti Nune asi na yingo ti ndara, ngbanga ti so Moïse azia maboko lani na li ti lo. Azo ti Israel ama yanga ti Josué, ala sara ye alingbi na yanga so KOTA GBIA amu lani na Moïse.

1 Timothée 4:14

Matabisi so Nzapa amu na mo, mo sara mbana na ni pepe. Mo wara matabisi ni lani na peko ti tënë ti yanga ti Nzapa na ngoi so bongbi ti *akangba azia maboko ti ala na ndö ti mo.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

2 Timothée 1:6

Ndani laa, mbi dabe ti mo: mo sara si matabisi so Nzapa amu na mo angba lakue ti mai, matabisi so mo wara ando na ndembe so mbi zia maboko na ndö ti mo.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.