Awatokua 6:11 - Mbeti ti Nzapa - Tënë so amu fini

¹¹ Tongaso ala pete goro na ambeni zo titene azo ni atene: “E ma tënë so lo tene ti zonga Moïse na Nzapa!”

Awatokua 6:11 ပူးပေါင်းရင်းမြစ်များ

Sigingo 23:1

“Alingbi ala fono na atënë ti mvene na iri ti amba ti ala pepe. Zo so asara sioni, ala tene mvene na le ti ngbanga pepe ti gbu koko ti lo.

Jérémie 26:11

Awayango-sandaga na awayanga-Nzapa atene na agbenyogbia ni nga na azo ni kue, atene: “Koli so alingbi na kuâ! Biani, lo tene peko ti tënë ti yanga ti Nzapa na ndö ti gbata so; tënë ni laa ala wani ama na mê ti ala so!”

Jérémie 37:13

So lo si na yanga ti gbagba ti Benjamin, lo tengbi na mbeni makonzi ti aturugu ti batango gbia so iri ti lo Iria, molenge ti Shelemia, molenge ti Hanania. Iria agbu wayanga-Nzapa Jérémie si atene na lo: “Mo yeke kpe ti kiri na mbage ti azo ti Babilone laa!”

Awayango-sandaga 24:16

Zo so azonga iri ti KOTA GBIA, fade a yeke fâ lo; bongbi ti azo ni kue ayeke bo lo na têne si ayeke fâ lo. Ataa zo ni ayeke wande, wala molenge ti kodro, fade a yeke fâ lo, ngbanga ti so lo zonga iri ti Nzapa.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 9:29

E hinga so Nzapa atene tënë na Moïse, me ti koli so, e hinga ndo so lo londo daa si lo ga pepe.”

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 21:28

Ala dekongo: “Azo ti Israel, ala ga hio si-oo! Lo laa, koli so ayeke fa ye na azo na ndo kue si fango ye ti lo ni ake azo ti Israel, ake *Ndia ti Moïse nga na kota da ti Nzapa so! Fadeso lo mu azo ti amara nde, lo li na ala na ya ti kota da ti Nzapa si lo sara titene da ni aga *sioni!”

Awatokua 25:3

titene lo sara nzoni be na ala: lo mu Paul lo kiri na lo na Jérusalem. Andaa ala ye titene ambeni zo ahonde tere ti ala ti ku Paul ti fâ lo na lege.

Awatokua 25:7

So Paul asi awe, azuife so alondo na Jérusalem aga, ala luti angoro lo si ala to nda ti bi akota tënë mingi na li ti lo, me ala lingbi ti fa pepe ye so afa atene, tënë so ala yeke bi na li ti lo so ayeke taa-tënë.

Awatokua 26:11

Lege mingi, mbi gue na ya ti ada ti sambelango Nzapa si mbi yeke sara pasi na ala, mbi yeke gbu ala na ngangu titene ala zonga Jésus. Ngonzo agbu mbi na tere ti ala ahon ndoni si mbi tumba peko ti ala ngbii mbi si na ya ti agbata ti awande ti sara ngangu na ala.”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.

Awatokua 6:13

Ala gue, aga na ambeni zo na le ti ngbanga titene azo ni atene mvene na iri ti lo, atene: “Koli so ayeke tene gi sioni tënë lakue na tere ti kota da ti Nzapa nga na tere ti *Ndia ti Moïse.

Rome 3:8

Ngbanga ti nyen si e lingbi ti tene pepe, e tene: “E sara ye ti sioni si nzoni ye asigigi daa”? Biani, ambeni zo ni ayeke zonga mbi si ala yeke du mvene na li ti mbi atene, mbi laa mbi tene tënë so. Ti azo ni so, ala lingbi titene Nzapa afâ ngbanga na li ti ala!

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.