Awatokua 5:5 - Mbeti ti Nzapa - Tënë so amu fini

⁵ So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

Awatokua 5:5 ပူးပေါင်းရင်းမြစ်များ

2 Agbia 2:24

Élisée abaa ndo na peko, lo baa ala si lo deba ala na iri ti *KOTA GBIA. Tongaso amama ti *urse use alondo na ya ti ngonda asigigi si asuru ya ti amaseka baleosio na use na popo ti ala so.

1 Mbai 13:12

Na lango ni so mbeto ti Nzapa asara David, lo tene: “Mbi lingbi ti ga na sanduku ti mbuki ti Nzapa na ndo ti mbi tongana nyen?”

1 Mbai 15:13

So kozoni ala yeke daa pepe so, KOTA GBIA, Nzapa ti e apika azo na kuâ na popo ti e, ngbanga ti so e sara ye na lege ti andia ni pepe.”

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Abia (Psaumes) 64:9

Tënë ti yanga ti ala akiri na ndö ti ala wani. Azo so kue abaa ala, ayeke yingi li ti ala.

Jérémie 5:14

Ndani laa, tënë so KOTA GBIA Nzapa so ayeke na ndö ti dunia kue atene ayeke so: “Ndali ti atënë so ala tene, tënë so mbi zia na yanga ti mo ti tene, mbi yeke sara si aga tongana wâ; mbi yeke sara si azo so aga tongana keke so wâ ni ayeke gbi ni kue.

Ezekiel 11:13

So mbi ngba ti tene peko ti tënë ti yanga ti Nzapa so, Pelatia, molenge ti Benaya angba akui. Mbi ti, mbi kpo li ti mbi na sese si mbi dekongo ngangu, mbi tene: “Ae, Kota Gbia NZAPA! Mo ye ti hunzi tanga ti azo ti Israel ni kue?”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awatokua 13:11

Fadeso, maboko ti Kota Gbia ayeke zu na ndö ti mo: le ti mo avuko si na ya ti mbeni ngoi, mo yeke kiri ti baa ndo pepe.” Gi hio tongaso, le ti Elimas avuko si lo yeke tatara ndo titene lo wara mbeni zo ti gbu maboko ti lo ti fa lege na lo.

Awatokua 2:43

Awatokua asara aye ti dongo be mingi na aye ti kpene si mbeto agbu azo kue.

Awatokua 5:13

Mbeni zo nde ti bongbi na ala ayeke daa pepe, me azo ni ayeke tene nzoni tënë ti ala mingi.

1 Korente 4:21

Ala ye nyen? Ala ye mbi mu fimbo si mbi ga na ni na tere ti ala? Wala ala ye mbi sara ngangu na ala pepe, ti fa na ala so mbi ye ala?

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Korente 13:2

Mbi yeke tene tënë so na azo so asara siokpari kozo so, ala na atanga ni kue; fadeso mbi yeke na popo ti ala pepe, me mbi kiri ti tene gi tënë so mbi tene lani na ala na ndembe so mbi gue na ndo ti ala ti fani use ni: tongana mbi kiri ande ti gue, fade mbi yeke zia zo oko senge pepe,

2 Korente 7:11

Ala baa aye so vundu so Nzapa ayeda na ni asara na popo ti ala laa: ala baa lege ti akua hio! Ala fa peko ti tënë so ayeke na li ti ala! Ngonzo agbu ala na bango ye ti sioni! Mbeto ayeke na be ti ala! Ala yeke na nzara mingi ti baa mbi! Ala yeke na nzara ti sara kua! Ala fâ ngbanga na li ti azo so asara sioni! Na lege ti aye so kue, ala fa atene, tënë ayeke na li ti ala pepe.

Ndia ti fani use ni 13:11

Fade mo yeke bo zo ni na têne si lo yeke kui, ngbanga ti so lo gi lege ti handa mo titene mo ke KOTA GBIA Nzapa ti mo so asara si mo sigigi na Ezipte, ndo so lani mo yeke ngbaa daa.

Ndia ti fani use ni 21:21

Fade azo kue ti gbata ni ayeke bo lo na têne si lo kui. Lege so ala, azo ti Israel, ala yeke zi sioni ye na popo ti ala laa. Azo ti Israel kue ayeke ma tënë ni si mbeto agbu ala.

Josué 22:20

Akan, mbeni *hale ti Zera asara ye so ayeke sioni mingi: lo mu ye so Nzapa ake na azo ti mu ni. Ndali ni, Nzapa asara ngonzo na tere ti bongbi ti azo ti Israel kue; ala hinga ni kue. Gi lo oko laa lo kui ndali ti sioni ti lo ni pepe.’ ”

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 11:5

Tongana mbeni zo aye ti sara sioni na ala, wâ ayeke sigigi na yanga ti ala si ayeke gbi awato ti ala ni. Zo so kue aye ti sara sioni na ala, alingbi lo kui gi tongaso.