Awatokua 5:41 - Mbeti ti Nzapa - Tënë so amu fini

⁴¹ So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Awatokua 5:41 ပူးပေါင်းရင်းမြစ်များ

Ésaïe 51:7

Ala so ahinga ye so ayeke mbirimbiri, ala so ndia ti mbi ayeke na be ti ala, ala ma mbi! Tongana azo ahe ala, ala sara mbeto ni pepe, be ti ala ado ndali ti zonga ti ala pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Ésaïe 66:5

Ala ma tënë ti *KOTA GBIA, ala so tere ti ala ayeke do na mbeto ndali ti tënë ti lo: Ambeni ita ti ala ake ala si atumba ala ndali ti mbi. A-ita ti ala ni ayeke he ala si ayeke tene: “Ayeke nzoni KOTA GBIA afa gonda ti lo si e lingbi ti baa ngia ti ala ni!” Me a-ita ti ala ni laa kamene ayeke gbu ande le ti ala.

Nzoni Tënë so Luc asu na mbeti 6:22

“Ti ala nzoni, ala so azo ake ala, atumba ala, azonga ala si ayeke diko asioni tënë na iri ti ala ndali ti *Molenge ti Zo!

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Awatokua 21:13

Me lo kiri tënë, lo tene: “Ngbanga ti nyen laa ala yeke toto si ala yeke gi lege ti zi nzara ti tambula ni na be ti mbi so? Mbi yeke ti mbi nduru gi titene a kanga mbi pepe, me titene a fâ mbi na Jérusalem ndali ti iri ti *Kota Gbia Jésus!”

Awatokua 5:21

Awatokua ama yanga ti ange so: na ndaperere, ala gue, ali na ya ti kota da ti Nzapa si ala to nda ti fa ye na azo. Kota wayango-sandaga na azo ti tere ti lo airi *akangba ti azuife si ala bongbi, ala na azo ti *Kota Bongbi ti Fango Ngbanga kue. Na pekoni, ala tokua titene a mu awatokua, a ga na ala na gbe ti ala.

Rome 5:3

Na ndö ni kue, e yeke na ngia na ya ti aye ti pasi so ayeke si na e, ngbanga ti so pasi laa ayeke sara si zo akanga be ti lo,

2 Korente 12:10

Ndani laa mbi yeke duti na ngia na ndembe so mbi yeke na ngangu pepe, nga na ndembe so azo ayeke zonga mbi, wala aye ayeke gi mbi mbage na mbage, wala azo ayeke sara ngangu na mbi, wala mbi yeke na kpale mingi ndali ti Christ. Biani, na ndembe so mbi yeke na ngangu pepe, na ndembe so laa mbi yeke na ngangu.

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

3 Jean 1:7

Biani, ala yeke tambula ti sara kua ti Christ, ala ke ti wara ye na maboko ti azo ti amara nde.