Awatokua 5:39 - Mbeti ti Nzapa - Tënë so amu fini

³⁹ Me tongana alondo na Nzapa, ala amba ti mbi, ala yeke na ngangu ti kanga lege ni pepe! Ala sara hange si ala tiri bira na Nzapa pepe!” Azo ti fango ngbanga ni aye peko ti tënë ti Gamaliel.

Awatokua 5:39 ပူးပေါင်းရင်းမြစ်များ

Tongo nda ti aye 24:50

Laban na Betuel akiri tënë, atene: “KOTA GBIA laa aleke ye ni tongaso. E yeke na mbeni tënë ti tene daa pepe, ataa tënë ti nzoni, wala tënë ti sioni.

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

1 Agbia 12:24

Tënë so *KOTA GBIA atene ayeke so: ‘Ala gue, atiri bira na a-ita, azo ti Israel pepe! Ayeke nzoni zo oko oko akiri na ndo ti lo. Biani, mbi laa mbi yeda si ye so asi.’ ” Azo ni ama yanga ti KOTA GBIA si ala kiri na ndo ti ala, alingbi na yanga so KOTA GBIA amu.

2 Agbia 19:22

Zo wa laa mo zonga lo si mo bi buba na tere ti lo so, zo wa? Zo wa laa mo dekongo na li ti lo si mo baa lo tongana mbumbuse zo so, zo wa? Mo sara ye so na mbi Nzapa ti Israel, mbi so mbi yeke nde si mbi yeke nzoni kue!

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Amato 21:30

Ataa ndara ti zo, ataa hingango ye ti zo, ataa gbungo-li ti zo, aye so kue ayeke ye oko pepe na le ti KOTA GBIA.

Ésaïe 43:13

Ngbene ye na lango ni so, mbi yeke Nzapa, zo oko alingbi ti gboto ye na maboko ti mbi pepe. Ye so mbi yeke sara, zo wa laa alingbi ti buba ni?

Ésaïe 45:9

Mawa na zo so aye ti tiri na zo so asara lo! Zo ayeke tongana ta ti sese na popo ti ambeni ta ti sese. Sese ti sarango na ta alingbi ti tene na zo so ayeke sara lo, atene: “Nyen laa mo yeke sara so?” Ta ti sese alingbi ti tene na zo ti sarango lo, atene: “Mo sara ye ni na legeni pepe!”?

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Awatokua 11:17

Tongana Nzapa amu na azo ni gi mara ti nzoni ye ti Yingo so lo mu na e na ndembe so e ma na be na Kota Gbia Jésus Christ so, mbi yeke ti mbi zo wa ti kanga lege na Nzapa?”

Awatokua 23:9

Dekongo ni ahon ndoni si ambeni wafango-ndia so ayeke na ya ti bongbi ti afarizien alondo si ala tene na kuru go, atene: “E wara mbeni tënë ti sioni na li ti koli so pepe. Mbeni yingo wala mbeni ange laa atene tënë na lo? E hinga so pepe.”

Awatokua 6:10

Me Étienne atene tënë na lege ti ndara so Yingo-Vuru amu na lo, nilaa ala lingbi ti hon lo na tënë pepe.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awatokua 9:5

Saul ahunda ndo, atene: “Mo yeke zo wa, Kota Gbia?” Go ni atene: “Mbi Jésus laa mo yeke sara ngangu na mbi so.

1 Korente 1:25

Biani, ye ti Nzapa so azo abaa na le ti ala tongana ye ti buba, ye ni ayeke na ndara ahon ti azo. Ye ti Nzapa so azo abaa na le ti ala tongana ye so ayeke na ngangu pepe, ye ni ayeke na ngangu ahon ti azo.

1 Korente 10:22

Wala e ye ti sara ye tongaso titene Nzapa asara mbanda? Ala baa ti ala atene, e yeke na ngangu e hon lo?