Awatokua 5:36 - Mbeti ti Nzapa - Tënë so amu fini

³⁶ Na ya ti alango so ahon, Tedas so lo tene, ni yeke mbeni kota zo, aga; azo nduru na ngbangbo osio amu peko ti lo. Me na peko ti so a fâ lo awe, azo so kue amu peko ti lo akangbi kirikiri si bongbi ti lo ni ali ngu.

Awatokua 5:36 ပူးပေါင်းရင်းမြစ်များ

Matthieu 24:24

Biani, fade amesii ti mvene na awayanga-Nzapa ti mvene ayeke ga si ala yeke sara akota ye ti kpene na aye ti dongo be ti handa na azo. Tongana lege ayeke daa, ataa azo so Nzapa asoro ala, ala yeke handa ala.

Matthieu 24:26

“Tongana mbeni zo atene na ala: ‘Baa, lo laa lo yeke na benyama kâ so!’, ala gue kâ pepe. Tongana mbeni zo atene na ala: ‘Baa, lo laa lo gboto tere ti lo si lo gue, lo duti kâ so!’, ala yeda na zo ni pepe.

Matthieu 24:5

Biani, fade azo mingi ayeke ga na iri ti mbi si zo oko oko ayeke tene: ‘Mbi laa mbi yeke *Mesii!’ Azo ni ayeke handa gba ti azo.

Awatokua 21:38

Mo, zo ti Ezipte so apusu azo ti sara wusuwusu biri biri si na pekoni mo mu azo ti fango zo saki osio, mo gue na ala na benyama so, mo laa pepe?”

Awatokua 5:35

Na pekoni, lo tene na azo ti fango ngbanga ni, lo tene: “Azo ti Israel, ala sara hange na ye so ala yeke sara na akoli so!

Awatokua 8:9

Andaa mbeni koli so iri ti lo Simon ayeke na ya ti gbata ni kozoni. Lo yeke zo ti sarango mazi, lo sara aye ti kpene mingi na le ti azo ti Samarii; lo baa tere ti lo tongana mbeni kota zo.

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

2 Pierre 2:18

Ala yeke diko gba ti tënë, me ayeke gi asenge senge tënë, ala yeke handa azo so asigigi gi fafadeso na popo ti azo so agirisa lege awe. Awafango-ye ti mvene ayeke mu asioni nzara ti sarango ye ti kamene so ayeke na be ti ala ti gbu azo ni na ya ti gbanda ti ala.

2 Pierre 2:2

Fade azo mingi ayeke mu peko ti awafango-ye ti mvene so ti sara aye ti potopoto so ala yeke sara. Ndali ti azo tongaso, azo ayeke zonga lege ti taa-tënë.

Jude 1:16

Be ti azo ni anzere laoko pepe, demango tere ti ala ahon ndoni; ala ye ti sara ye alingbi gi na asioni nzara ti be ti ala; ala yeke tene gi atënë ti baba si ala yeke diko apendere tënë ti handa na azo ngbanga ti warango ye.

Aye so Nzapa afa 17:3

Yingo ti Nzapa agbu mbi si ange ni amu mbi ague na mbi na benyama. Mbi baa mbeni wali kâ, lo yeke duti na ndö ti mbeni bengba nyama. A su a-iri ti zongango Nzapa na tere ti nyama ni kue; ali ti nyama ni ayeke mbarambara si adidi ti lo ayeke baleoko.

Aye so Nzapa afa 17:5

Na ndö ti le ti lo, a su mbeni iri so nda ni angba na hondengo ni: “Kota Babilone, mama ti awali-ndumba, na ti aye ti sioni kue ti ndö ti sese so zo alingbi ti baa na le ti lo fani use pepe.”