Awatokua 5:3 - Mbeti ti Nzapa - Tënë so amu fini

³ Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Awatokua 5:3 ပူးပေါင်းရင်းမြစ်များ

Mbeti ti Job 22:13

Tongaso mo tene: “Nzapa alingbi ti hinga nyen? Lo lingbi ti fâ ngbanga ti e na peko ti ambinda so avuko vukongo so?

Amato 20:25

Tongana zo amu zendo ti mu ye na Nzapa, ayeke nzoni lo gbu li ti lo mbirimbiri kozoni si. Tongana lo mu zendo ni si lo gbu li ti lo na peko, fade ayeke ga kuku ndali ti lo.

Zo ti bongbingo azo 5:4

Tongana mo mu zendo pepe, so ayeke nzoni ahon titene mo mu zendo si mo sara ye ni pepe.

Ésaïe 29:15

So mawa na azo so ayeke sara ye na gbe mingo si ala yeke honde apialo ti ala na *KOTA GBIA so! Ala yeke sara aye ti ala na ya ti vukongo ndo, ala yeke tene: “Zo wa laa abaa e, zo wa? Zo wa laa ahinga ye so e sara, zo wa?”

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Wungo ti azo 30:2

Moïse atene tënë na amakonzi ti amara ti azo ti Israel, atene: Yanga so *KOTA GBIA amu ayeke so:

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Nzoni Tënë so Luc asu na mbeti 22:3

Tongaso Satan ali na be ti Judas so a iri lo Iskariote, mbeni disiple oko na popo ti adisiple baleoko na use.

Jean 13:2

So ala yeke te kobe ti lakui, Zabolo azia na be ti Judas, molenge ti Iskariote ti ka Jésus.

Jean 13:27

So Judas amu mapa ni, Satan ali na ya ti lo. Jésus atene na lo: “Ye so mo ye ti sara, sara ni hio!”

Awatokua 5:2

Lo na wali ti lo aleke tënë si lo gbanzi mbage ti nginza ni; lo mu tanga ni, lo gue na ni si lo zia na gbe ti *awatokua.

Awatokua 5:4

Kozo titene mo ka yaka so, yaka ni ayeke fade ti mo. So mo ka ni so, nginza ni ayeke ti mo. Ngbanga ti nyen laa mo leke na be ti mo ti sara mara ti ye tongaso? Mo tene mvene na zo pepe, me na Nzapa!”

Awatokua 5:9

Tongaso Pierre atene na lo: “Ngbanga ti nyen si mo na koli ti mo, ala leke na be ti ala ti tara Yingo ti *Kota Gbia so? Baa, akoli so alu koli ti mo ayeke na yanga ti da. Fade ala yeke mu nga mo ti gue na mo!”

Ndia ti fani use ni 23:21

Ala lingbi ti hunda na wande ti zia mbeni ye na ndö ti ye so lo sara boon ni na maboko ti ala; me ala lingbi ti sara tongaso na ita ti ala, zo ti Israel pepe. Tongaso, na sese so ala yeke gue ti mu ni titene aga ti ala, fade *KOTA GBIA Nzapa ti ala ayeke sara tufa na ndö ti ala na ya ti akua ti ala kue.

Jacques 4:7

Tongaso, ala ma yanga ti Nzapa, me ala do sese na Zabolo si fade lo yeke kpe yongoro na tere ti ala!

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.