Awatokua 5:29 - Mbeti ti Nzapa - Tënë so amu fini

²⁹ Pierre na awatokua akiri tënë: “Alingbi e ma yanga ti Nzapa ahon ti azo.

Awatokua 5:29 ပူးပေါင်းရင်းမြစ်များ

Tongo nda ti aye 3:17

Ti hunzi na ni, lo tene na koli, lo tene: “Ndali ti so mo ma yanga ti wali ti mo si mo te le ti keke so mbi mu yanga na mo ti te pepe so, mbi yeke deba sese ndali ti mo. Fade mo yeke baa pasi ti wara kobe ti mo na lege ti sese ni, na lango so kue mo yeke ngba na fini.

2 Samuel 24:4

Me yanga so gbia amu na Yoab na amakonzi ti aturugu, lo ngba gi na ndö ni; nilaa Yoab na amakonzi ti aturugu ni alondo na da ti gbia si ala gue ti diko wungo ti azo ti Israel.

2 Agbia 16:16

Wayango-sandaga Uria asara aye so kue gbia Ahaz amu yanga na lo ti sara.

Sigingo 1:17

Me awali so ayeke mu molenge na tere ti awali akpe mbeto ti Nzapa; ala ke ti sara ye alingbi na yanga so gbia ti Ezipte amu na ala. Tongaso ala zia amolenge-koli angba na fini.

Jérémie 26:12

Me Jérémie atene na agbenyogbia ni kue nga na gba ti azo ni, lo tene: “Atënë so kue ala ma so, KOTA GBIA laa atokua mbi ti tene peko ti tënë ti yanga ti lo na ndö ti da so nga na ndö ti gbata so.

Daniel 6:13

Tongaso ala kiri na ndo ti gbia si ala tene na lo, atene: “Gbia, mo su maboko ti mo na gbe ti mbeni kota mbela pepe? Mo tene: na ya ti lango baleota, alingbi zo asambela mbeni nzapa nde pepe, wala lo voro mbeni zo nde pepe, gi mo oko. Zo so ake, fade a yeke bi lo na ya ti du ti abamara; tënë ni laa pepe, gbia?” Gbia akiri tënë, atene: “Tënë ni laa biani. Tënë ni alingbi na ndia ti azo ti Medii na ti Perse so zo alingbi ti mingo ngangu ni pepe.”

Awatokua 4:19

Me Pierre na Jean akiri tënë na ala: “Ti ma yanga ti ala wala ti ma yanga ti Nzapa, so wa laa ayeke nzoni? Ala wani, ala gbu li ti ala na tënë so!

1 Samuel 15:24

Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.