Awatokua 5:28 - Mbeti ti Nzapa - Tënë so amu fini

²⁸ “E ke fade na ala na kuru go titene ala fa ye na iri ti koli so. Me ye ni asara tongana nyen si fango ye ti ala ni amu ya ti Jérusalem kue so? Na ndö ni, ala kiri atene, e laa e fâ lo!”

Awatokua 5:28 ပူးပေါင်းရင်းမြစ်များ

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Agbia 22:8

Gbia ti Israel akiri tënë na Yosafat, atene: “Mbeni zo oko ayeke daa so e lingbi ti hunda KOTA GBIA na lege ti lo; zo ni ayeke Mishe, molenge ti Imla. Me be ti mbi ake lo mingi, ngbanga ti so lo yeke tene na mbi peko ti tënë ti yanga ti Nzapa nzoni laoko pepe, me lakue gi sioni tënë.” Yosafat atene: “Ayeke nzoni gbia atene tënë tongaso pepe!”

Jérémie 26:15

Ye oko, ayeke nzoni ala hinga atene, tongana ala fâ mbi, andaa ala fâ zo so tënë ayeke na li ti lo pepe. Tongaso, ngbanga ti kuâ ti mbi ayeke kiri na li ti ala, na li ti gbata so nga na li ti azo ti gbata ni. Biani, KOTA GBIA laa atokua mbi ti tene atënë so na mê ti ala.”

Jérémie 38:4

Na pekoni, akota zo ti kodro ni atene na gbia Sedesias: “E ye gi kuâ ti Jérémie, ngbanga ti so atënë so lo yeke tene, asara si be ti aturugu nga na be ti azo ti kodro kue awoko. Koli so aye nzoni ti azo ti kodro so pepe, me lo ye gi sioni ti ala.”

Amos 7:10

Amasia, wayango-sandaga ti Betel atokua na Yeroboam, gbia ti Israel, atene: “Amos ayeke gi lege ti kinda mo na ndö ti mbata ti mo ti gbia taa na kodro ti Israel. Azo ti kodro ni alingbi ti kanga be na atënë ti lo mbeni pepe.

Matthieu 21:44

Zo so kue ayeke ti na ndö ti têne so, fade tere ti lo ayeke kungbi. Tongana têne ni ati na ndö ti mbeni zo, fade ayeke nika lo nikango!”]

Matthieu 27:25

Azo ni kue akiri tënë, atene: “E ye titene ngbanga ti kuâ ti lo ati na li ti e nga na amolenge ti e!”

Awatokua 5:40

Ala iri awatokua ni, apika ala na fimbo si amu yanga na ala ti kiri ti tene tënë na iri ti Jésus pepe. Na pekoni, ala zi awatokua ni.

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!