Awatokua 5:24 - Mbeti ti Nzapa - Tënë so amu fini

²⁴ So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”

Awatokua 5:24 ပူးပေါင်းရင်းမြစ်များ

Ésaïe 9:7

*KOTA GBIA atokua mbeni tënë na tere ti azo ti Jacob, tënë ni ati na ndö ti Israel.

Nzoni Tënë so Luc asu na mbeti 22:4

Lo gue, lo baa akota wayango-sandaga na amakonzi ti aturugu ti batango lo si lo na ala ama tere na ndö ti lege so fade lo yeke ka Jésus na ala.

Nzoni Tënë so Luc asu na mbeti 22:52

Na pekoni, Jésus atene na akota wayango-sandaga, amakonzi ti aturugu ti kota da ti Nzapa na *akangba so aga ti gbu lo, lo tene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi!

Jean 12:19

Tongaso *afarizien atene na popo ti ala: “Ala baa awe? Ye ni akara ala awe: azo ti dunia kue ague gi na peko ti lo!”

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Awatokua 4:1

Na ndembe so Pierre na Jean angba ti tene tënë na azo ni, awayango-sandaga na makonzi ti aturugu ti kota da ti Nzapa na *asadusien asi.

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Awatokua 5:23

“So e si na da ti kanga ni, e baa yanga ni kue akanga nzoni si aturugu ayeke bata ni. Me so e zi yanga ti da ni, e wara zo oko na ya ni pepe!”

Awatokua 5:25

Na pekoni, mbeni zo aga si lo tene na ala: “Baa, akoli so ala bi ala na da ti kanga so, ala yeke na ya ti kota da ti Nzapa si ala yeke fa ye na azo!”

Awatokua 5:26

Tongaso makonzi ti aturugu ni na azo ti lo ague, amu awatokua ni akiri na ala; me ala sara ngangu na awatokua ni pepe, ngbanga ti so ala sara mbeto titene azo abo ala na têne.