Awatokua 5:20 - Mbeti ti Nzapa - Tënë so amu fini

²⁰ “Ala gue, aluti na ya ti kota da ti Nzapa si ala fa na azo atënë so kue ayeke mu fini na zo.”

Awatokua 5:20 ပူးပေါင်းရင်းမြစ်များ

Sigingo 24:3

Moïse aga afa na azo ni peko ti atënë kue ti KOTA GBIA nga na andia ti lo kue. Azo ni kue akiri tënë yanga oko, atene: “Atënë so kue KOTA GBIA atene, fade e yeke sara ye alingbi na ni.”

Ésaïe 58:1

*KOTA GBIA atene: “Mo dekongo na kota go, mo ngba gi daa! Sara si azo ama go ti mo tongana tatalita! Fa na azo ti mbi kengo ndia ti ala, fa na amolenge ti Jacob siokpari ti ala.

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 36:10

Na ya ti kota da ti Nzapa, Baruk adiko na mê ti azo so kue ayeke kâ, atënë ti Jérémie so a su na le ti rulo so. Baruk aluti na ya ti kota kubu so a mu na Gemaria, molenge ti Shafan, ngbene kota wakuasu ti letaa. Kota kubu ni ayeke na ya ti gbagba ti mbage ti nduzu ti kota da ti Nzapa, nduru na Fini yanga-da.

Jérémie 7:2

Mo luti na yanga ti da ti KOTA GBIA, mo to mbela na tënë so, mo tene: “Ala azo ti Juda kue, ala so ayeke li na yanga ti da so ti kuku na gbe ti KOTA GBIA, ala ma tënë ti lo si!

Ezekiel 33:7

“Molenge ti zo, mo laa mbi zia mo sanziri ndali ti azo ti Israel. Fade mo yeke ma tënë ti yanga ti mbi si mo yeke gboto mê ti ala na mbi.

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Jean 12:50

Mbi hinga so, tënë ti yanga ti lo ayeke mu na zo fini so angba lakue lakue. Tënë so mbi yeke tene, mbi tene tongana ti so Babâ atene na mbi.”

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 17:8

Biani, mbi mu na ala atënë so mo mu na mbi si ala yamba ni. Tongaso ala hinga biani atene, mbi londo na mo si mbi ga, ala ma nga na be so mo laa mo tokua mbi.

Jean 18:20

Jésus akiri tënë, atene: “Mbi yeke fa ye na azo kue polele; lakue mbi yeke fa ye na ya ti ada ti sambelango Nzapa nga na ya ti kota da ti Nzapa, na ndo so azuife kue ayeke bongbi daa. Mbi tene mbeni tënë na hondengo ni pepe.

Jean 6:63

Yingo ti Nzapa laa ayeke mu fini na zo; zo alingbi ti wara fini na ngangu ti lo wani pepe. Atënë so mbi tene na ala ayeke tënë ti Yingo na tënë ti fini.

Jean 6:68

Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Awatokua 11:14

Fade lo yeke tene mbeni tënë na mo si na lege ti tënë ni so, mo na azo ti sewa ti mo kue ayeke soo kuâ.’

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!