Awatokua 5:2 - Mbeti ti Nzapa - Tënë so amu fini

² Lo na wali ti lo aleke tënë si lo gbanzi mbage ti nginza ni; lo mu tanga ni, lo gue na ni si lo zia na gbe ti *awatokua.

Awatokua 5:2 ပူးပေါင်းရင်းမြစ်များ

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Matthieu 23:5

Ye so kue awafango-ye ni ayeke sara, ala yeke sara ni gi titene azo abaa ala. Tongaso, ala yeke sara titene ya ti akete kete bozo ti poro so ala su tënë ti Nzapa si azia na ya ni so akono, kamba so ala leke na yanga ti bongo ti ala aga kota.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Awatokua 2:44

Azo ti Jésus kue ayeke duti na beoko si ala yeke bongbi aye ti ala oko.

Awatokua 4:37

Lo ka mbeni yaka ti lo, lo ga na nginza ni si lo zia na gbe ti awatokua.

Awatokua 5:1

Me mbeni koli so iri ti lo Ananias, lo na wali ti lo Safira aka mbeni yaka ti ala.

Awatokua 5:3

Pierre atene na lo: “Ananias, ngbanga ti nyen si mo yeda titene Satan ali be ti mo? Yaka so mo ka so, mo gbanzi mbage ti nginza ni si mo tene mvene na Yingo-Vuru.

Awatokua 5:8

Pierre ahunda lo: “Tene na mbi: yaka so ala ka so, nginza ni kue laa?” Lo kiri tënë: “Een, ni kue laa!”

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.