Awatokua 5:15 - Mbeti ti Nzapa - Tënë so amu fini

¹⁵ Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.

Awatokua 5:15 ပူးပေါင်းရင်းမြစ်များ

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Matthieu 14:36

Ala voro lo titene lo zia azo ti kobela ni andu gi yanga ti bongo ti lo. Azo so kue andu ni, tere ti ala aga nzoni.

Matthieu 9:21

Wali so atene na be ti lo: “Tongana mbi ndu gi bongo ti lo, fade kobela ti mbi so ayeke kai.”

Marc 6:55

Ala mu loro ague na sese ni kue, ala mu azo ti kobela na ndö ti akelekpa ti ga na ala na lo, na ndo so kue ala ma a tene, Jésus ayeke daa.

Jean 14:12

Biani, mbi tene na ala taa-tënë: zo so ama na be na mbi, lo nga, fade lo yeke sara aye so mbi sara; lo yeke sara akota ye ahon so, ngbanga ti so mbi yeke gue na Babâ.

Awatokua 28:9

Na pekoni, ambeni zo ti kobela so ayeke lango na ya ti zoa ni aga abaa lo si lo kai nga kobela na tere ti ala.

Awatokua 5:16

Gba ti azo alondo na akodro so ayeke na tere ti Jérusalem, aga na azo ti kobela nga na azo so asioni yingo asara ala; ala kue tere ti ala aga nzoni.