Awatokua 5:14 - Mbeti ti Nzapa - Tënë so amu fini

¹⁴ Gba ti akoli na awali, na ndoni na ndoni ama na be na *Kota Gbia si ala bongbi oko na azo ti Jésus.

Awatokua 5:14 ပူးပေါင်းရင်းမြစ်များ

2 Samuel 6:19

Na pekoni, lo kangbi kobe na azo kue, so ti tene azo ti Israel so ayeke gbani gbani so kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye. Na pekoni, zo oko oko akiri na da ti lo.

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Néhémie 8:2

Wayango-sandaga Esdras aga na mbeti ti Ndia ni na gbe ti bongbi ti azo ni. Akoli, awali na azo so kue alingbi ti ma ya ti mbeni tënë nzoni, abongbi na ndo so. Ye ni ayeke na kozo lango ti nze mbarambara ni.

Sigingo 35:22

Tongaso akoli na awali ti nzoni be aga na aye nde nde so a sara na lôro: aye ti mê, akete palata, aye ti go, aye ti maboko wala *akati. Zo oko oko aga na aye ni na KOTA GBIA, lo ya ni na nduzu ti fa atene, lo mu na lo.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Awatokua 11:24

Barnabas ayeke nzoni zo, lo si singo na Yingo-Vuru na mabe. Ndali ti lo, gba ti azo aga azo ti Kota Gbia.

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Awatokua 22:4

Mbi sara ngangu na azo so amu lege ti *Kota Gbia si ambeni awara kuâ. Mbi gbu akoli na awali si mbi bi ala na da ti kanga.

Awatokua 4:4

Me na popo ti azo so ama tënë ni, ambeni mingi ama na be si wungo ti azo ni aga nduru na saki oku.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Awatokua 9:42

Tënë ni amu ya ti Zope kue si azo mingi ama na be na Kota Gbia.

2 Korente 6:15

Christ na Zabolo alingbi ti ma tere? Zo so ama na be na zo so ama na be pepe, nyen laa abongbi ala, nyen?

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.