Awatokua 5:12 - Mbeti ti Nzapa - Tënë so amu fini

¹² *Awatokua asara aye ti kpene na aye ti dongo be mingi na popo ti azo. Azo ti Jésus kue ayeke bongbi tere na gbe ti veranda so iri ni Veranda ti Salomon.

Awatokua 5:12 ပူးပေါင်းရင်းမြစ်များ

Jérémie 26:9

Ngbanga ti nyen si mo tene peko ti tënë ti yanga ti KOTA GBIA, mo tene: ‘Fade a yeke buba kota da ti Nzapa so tongana ti Silo, a yeke buba gbata so si azo ti gbata ni ayeke duti daa mbeni pepe so?’ ” Tongaso azo so kue ayeke na ya ti kota da ti Nzapa abongbi na tere ti Jérémie.

Marc 16:20

Adisiple ague ti fa Nzoni Tënë na ndo kue. Kota Gbia ayeke sara aye ti kpene na lege ti ala ti fa na azo so tënë ti Nzapa ayeke taa-tënë.]

Jean 10:23

Na ya ti kota da ti Nzapa, Jésus ayeke tambula, lo si kâ, lo si ge na gbe ti veranda so a iri ni Veranda ti Salomon.

Jean 4:48

Jésus atene na lo: “Tongana ala baa ye ti kpene na ye ti dongo pepe, fade ala yeke ma na be oko pepe!”

Awatokua 1:14

Lakue na beoko, ala kue ayeke bongbi ti sambela, ala na ambeni wali, na Marie, mama ti Jésus nga na a-ita ti Jésus.

Awatokua 14:3

Ataa so kue, Paul na Barnabas angba na Ikoniom aninga. Ala fa tënë ti *Kota Gbia na mbeto pepe, ngbanga ti so ala zia be ti ala kue na ndö ti lo. Lo mu na ala ngangu ti sarango aye ti kpene na aye ti dongo be ti fa na azo atene, atënë so ala yeke fa na ndö ti nzoni be ti lo ayeke taa-tënë.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Awatokua 19:11

Na lege ti Paul, Nzapa asara ambeni ye ti kpene so zo abaa laoko pepe.

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Awatokua 28:9

Na pekoni, ambeni zo ti kobela so ayeke lango na ya ti zoa ni aga abaa lo si lo kai nga kobela na tere ti ala.

Awatokua 3:11

Koli ni angba gi na tere ti Pierre na Jean na gbe ti veranda so a iri ni Veranda ti Salomon. Be ti azo kue ado si ala kpe ague na tere ti ala.

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Awatokua 9:33

Kâ, lo wara mbeni koli so iri ti lo Ene; mbage ti tere ti lo abuba si lo ngba na gbogbo na ya ti ngu miombe.

Awatokua 9:40

Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

2 Korente 12:12

Aye so afa atene, mbi yeke watokua ti Christ, ala baa ni na popo ti ala kâ awe: mbi kanga be ti mbi na ya ti aye kue; ala baa aye ti kpene, aye ti dongo be na aye so Nzapa asara ti fa ngangu ti lo.

Ahebro 2:4

Nzapa nga afa atene, tënë ni ayeke taa-tënë na lege ti aye ti kpene nde nde na aye ti dongo be nga na amatabisi ti Yingo-Vuru so lo kangbi na azo tongana ti so be ti lo aye.