Awatokua 4:4 - Mbeti ti Nzapa - Tënë so amu fini

⁴ Me na popo ti azo so ama tënë ni, ambeni mingi ama na be si wungo ti azo ni aga nduru na saki oku.

Awatokua 4:4 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Ésaïe 53:12

Ndani laa mbi mu na lo ndo na popo ti akota zo; ye so a gbu na peko ti bira, lo na azo ti ngangu laa ayeke kangbi ni. Biani, lo wani, lo ka tere ti lo na kuâ, a diko lo na popo ti azo ti sioni, ngbanga ti so lo yo siokpari ti gba ti azo, lo gbu koko ti azo ti sioni.

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Awatokua 28:24

Ambeni ayeda na tënë ni, me ambeni ake ti ma na be.