Awatokua 4:34 - Mbeti ti Nzapa - Tënë so amu fini

³⁴ Zo ti mawa oko ayeke na popo ti ala pepe. Biani, azo so ayeke na yaka wala na da, ala ka yaka ni wala da ni si ala ga na nginza ni,

Awatokua 4:34 ပူးပေါင်းရင်းမြစ်များ

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Marc 10:21

Jésus abaa lo, lo ye lo si lo tene na lo: “Mbeni ye oko angba na mo ti sarango ni: gue, mo ka aye ti mo kue, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 16:9

Jésus akiri atene: “Ti mbi, mbi tene na ala: nginza ayeke handa azo titene ala sara aye ti kirikiri. Ti ala, ayeke nzoni ala mu nginza ti gi ti wara na a-ita; tongana nginza ni ayeke mbeni pepe, fade a-ita ni ayeke yamba ala na ya ti ada so ayeke ngba kpu na kpu.

Nzoni Tënë so Luc asu na mbeti 22:35

Jésus atene na ala: “So lani mbi tokua ala si ala gue na bozo ti nginza pepe, na bozo ti kobe pepe, na poro pepe so, mbeni ye atia ala?” Ala kiri tënë na lo, atene: “Ye oko atia e pepe.”

Awatokua 2:45

Ala yeke ka aye ti ala, ala yeke kangbi nginza ni na popo ti ala, zo oko oko awara ye alingbi na ye so atia lo.

Awatokua 4:37

Lo ka mbeni yaka ti lo, lo ga na nginza ni si lo zia na gbe ti awatokua.

2 Korente 8:14

Ti fadeso, ala azo ti Korente, ala yeke na ye gbani. Ayeke nzoni ala mu mbage ni ti mu maboko na azo so ye atia ala. Mbeni lâ, tongana azo ni ayeke na ye mingi si ye atia ala, azo ti Korente, fade azo ni ayeke mu nga maboko na ala. Tongaso laa lege ti mungo ye ayeke lingbi tere.

Ndia ti fani use ni 2:7

– Biani, ala azo ti Israel, KOTA GBIA asara tufa na ndö ti ala na ya ti aye so kue ala sara. Lo baa ndo na ndö ti ala na ndembe so ala hon na ya ti kota benyama so. Na ya ti ngu baleosio kue, KOTA GBIA Nzapa ti ala ayeke na ala, ye oko atia ala pepe. –

1 Tesalonike 4:12

Tongaso, na lege ti dutingo ti ala, fade azo so ama na be pepe ayeke ne ala; na ndö ni, ala yeke ku ti wara ye gi na maboko ti ambeni zo pepe.

1 Timothée 6:19

Tongana ala sara tongaso, ala yeke bongbi ndali ti angoi so ayeke ga mbeni kpengba mosoro so ayeke nzoni si ala lingbi ti wara taa fini.

Jacques 1:27

Mbirimbiri vorongo Nzapa so sioni ye oko ayeke daa pepe, ayeke mungo maboko na anyindu nga na awali-mua so ayeke baa pasi; mbirimbiri vorongo Nzapa ayeke nga ti ke sarango aye ti potopoto ti dunia so.