Awatokua 4:32 - Mbeti ti Nzapa - Tënë so amu fini

³² Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Awatokua 4:32 ပူးပေါင်းရင်းမြစ်များ

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Jean 17:11

Mbi yeke na dunia so mbeni pepe, me ala yeke ti ala na dunia so. Mbi yeke gue ti mbi na tere ti mo. Babâ, mo so mo yeke nde si mo yeke nzoni kue, bata ala na lege ti ngangu ti iri ti mo so mo mu na mbi, tongaso si ala ga oko, tongana ti so mbi na mo, e yeke oko.

Awatokua 1:14

Lakue na beoko, ala kue ayeke bongbi ti sambela, ala na ambeni wali, na Marie, mama ti Jésus nga na a-ita ti Jésus.

Awatokua 2:1

So lango ti *Pantekote asi awe, azo ti Jésus kue abongbi tere ti ala na ndo oko.

Awatokua 5:12

*Awatokua asara aye ti kpene na aye ti dongo be mingi na popo ti azo. Azo ti Jésus kue ayeke bongbi tere na gbe ti veranda so iri ni Veranda ti Salomon.

Rome 12:5

E nga, ataa so e yeke mingi, e ga tere oko awe na lege ti gango so e ga oko na Christ; e kue, e yeke bongbi na amba ti e na ya ti tere oko so, zo oko oko na ndo ti lo na ya ti tere ni.

1 Korente 1:10

A-ita, mbi hunda na ala mingi na iri ti *Kota Gbia ti e Jésus Christ titene ala kue ama tere si kangbi aduti na popo ti ala pepe; ala duti gi tongana zo oko, tënë ti be ti ala nga na bango ndo ti ala ague gi oko.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.