Awatokua 4:3 - Mbeti ti Nzapa - Tënë so amu fini

³ Azo ni agbu ala, azia ala na da ti kanga ti ku na ndaperere, ngbanga ti so lâ akui awe.

Awatokua 4:3 ပူးပေါင်းရင်းမြစ်များ

Matthieu 4:12

So Jésus ama a tene, a gbu Jean si a zia lo na da ti kanga awe, lo gboto tere ti lo si lo gue na Galile.

Nzoni Tënë so Luc asu na mbeti 22:52

Na pekoni, Jésus atene na akota wayango-sandaga, amakonzi ti aturugu ti kota da ti Nzapa na *akangba so aga ti gbu lo, lo tene: “Ala ga na ayongoro zeme na akeke ti gbu mbi, mo baa mo tene, mbi yeke zo ti nzi!

Nzoni Tënë so Luc asu na mbeti 22:54

Ala gbu Jésus si ala gue na lo na ya ti da ti kota wayango-sandaga. Pierre ague na peko ti ala, me lo gue nduru nduru pepe.

Jean 18:12

Tongaso, bongbi ti aturugu ni na makonzi ti ala nga na awabatango kota da ti Nzapa ti azuife agbu Jésus, akanga lo.

Awatokua 5:18

Ala gbu awatokua ni si abi ala na da ti kanga.

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:2

lo hunda na lo titene lo mu na lo ambeti so amu na lo lege ti gue na Damas ti li na ya ti ada ti sambelango Nzapa. Tongana lo wara ambeni koli na wali so amu lege ti Jésus, lo gbu ala si lo ga na ala na Jérusalem.