Awatokua 4:27 - Mbeti ti Nzapa - Tënë so amu fini

²⁷ “Biani, Herode na Ponse Pilate, ala na azo ti amara nde na azo ti Israel abongbi tere na ya ti gbata so, ala leke tënë na tere ti Jésus, zo ti kua ti mo so ayeke nde si ayeke nzoni kue so, lo so mo mu lo ti ga Mesii.

Awatokua 4:27 ပူးပေါင်းရင်းမြစ်များ

Mbeti ti Job 14:4

Zo wa laa alingbi ti sara si ye so ayeke *nzoni asigigi na ya ti ye so ayeke *sioni? Zo oko pepe!

Mbeti ti Job 15:14

Zo ayeke nyen si lo tene ni yeke *nzoni? Zo so wali adu lo ayeke nyen si lo tene ni yeke mbirimbiri?

Mbeti ti Job 25:4

Zo alingbi ti tene ni yeke zo ti mbirimbiri na le ti Nzapa tongana nyen? Zo so wali adu lo, lo lingbi ti tene ni yeke *nzoni tongana nyen?

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 45:7

Gbia, mbata ti mo ti gbia ayeke tongana ti Nzapa, ayeke ngba lakue lakue. Na ya ti kodro-gbia ti mo, mo yeke sara komandema na legeni.

Ésaïe 37:26

Senakerib, mo hinga pepe? Mbi leke aye so ngbene ye aninga awe, mbi leke pialo ni na be ti mbi giriri. Fadeso mbi yeke sara aye ni. Ti mo, ayeke ti sara si agbata so ngangu gbagba ayeke na tere ni aga gba ti atêne.

Ésaïe 49:7

Mo so lani azo abaa mo tongana mbumbuse zo, so be ti azo kue ake mo, mo so mo yeke ngbaa ti azo ti sarango ngangu na zo, *KOTA GBIA, lo so lo zi azo ti lo, Nzapa ti Israel so ayeke nde si ayeke nzoni kue, tënë so lo tene na mo ayeke so: “Tongana agbia ayeke baa ande mo, ala yeke londo na ndö ti mbata ti ala; tongana amakonzi ayeke baa mo, ala yeke kuku akpo li ti ala na sese na dawa ti mo.” Ye ni ayeke si ndali ti KOTA GBIA so ayeke sara ye alingbi na tënë ti yanga ti lo, ndali ti Nzapa ti Israel so ayeke nde si ayeke nzoni kue, lo so lo soro mo.

Ésaïe 53:3

Azo abaa lo tongana mbumbuse zo, azo ado lo azia. Lo yeke zo so ye aso lo, lo hinga ye so iri ni pasi. Lo kpa zo so mbeni zo alingbi ti baa lo na le fani use pepe. E baa lo tongana mbumbuse zo, e ne lo oko pepe.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Matthieu 14:1

Na ndembe ni so, Herode, govoronere ti Galile ama sango ti Jésus;

Matthieu 14:3

Andaa Herode amu lani yanga na azo titene ala gbu Jean, akanga lo na zingiri si abi lo na da ti kanga. Herode akanga lo ndali ti Herodiade, wali ti ita ti lo Philippe.

Matthieu 14:6

Na lango ti matanga ti dungo Herode, molenge ti Herodiade ti wali adodo na le ti azo so Herode atisa ala. Lo zia ngia mingi na be ti Herode.

Matthieu 21:28

Jésus akiri atene: “Ala baa tënë so tongana nyen? Mbeni koli ayeke na amolenge-koli use. Lo tene na kozo molenge ni: ‘Molenge ti mbi, laso, mo gue, mo sara kua na yaka ti *vinye ti mbi.’

Matthieu 23:37

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Matthieu 27:2

Ala kanga lo, ague na lo si ala zia lo na maboko ti govoronere Pilate.

Marc 10:33

Lo tene na ala: “Ala ma! E yeke gue na Jérusalem. Kâ, fade azo ayeke zia *Molenge ti Zo na maboko ti akota wayango-sandaga na awafango-ndia. Ala yeke fâ ngbanga ti kuâ na li ti lo si ala yeke zia lo na maboko ti azo ti mbeni mara nde.

Marc 15:31

Akota wayango-sandaga nga na awafango-ndia ahe Jésus si ala tene na popo ti ala, atene: “Lo soo ambeni zo, me lo lingbi ti soo tere ti lo wani pepe!

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 22:63

Azo so ayeke bata Jésus ahe lo si ala pika nga lo.

Nzoni Tënë so Luc asu na mbeti 23:1

Azo ni kue alondo si ala gue na Jésus na gbe ti Pilate.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Nzoni Tënë so Luc asu na mbeti 9:22

Lo tene: “Alingbi *Molenge ti Zo abaa pasi mingi. *Akangba, akota wayango-sandaga na awafango-ndia ayeke ke lo, ala yeke fâ lo si na lango ota ni, lo yeke zingo na kuâ.”

Jean 1:11

Lo ga na taa kodro ti lo, me azo ti kodro ti lo ayamba lo pepe.

Jean 10:36

Me ti mbi, Babâ ti mbi azia mbi nde si lo tokua mbi na ndö ti dunia so. Ngbanga ti nyen laa ala tene: ‘Mo yeke zonga Nzapa!’ Ngbanga ti so mbi tene: ‘Mbi yeke Molenge ti Nzapa’ so?

Jean 18:28

Na ndaperere, ala mu Jésus na ndo ti Kaife, ague na lo na da ti govoronere. Amakonzi ti azuife ali na da ni pepe, ngbanga ti so ala ye ti bata tere ti ala *nzoni si ala lingbi ti te kobe ti *Pake.

Jean 18:29

Pilate asigigi, lo gue na mbage ti ala si lo hunda ala, lo tene: “Ala yeke bi tënë na li ti koli so ngbanga ti nyen?”

Jean 19:34

Mbeni turugu akpo kate ti Jésus na likongo, gi hio tongaso, mene na ngu asigigi daa.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 2:27

Fade mo yeke zia mbi na ndo ti akuâ pepe; mbi so mbi zia be ti mbi kue ti sara na mo, fade mo yeke zia mbi ti fun na ya ti du ti kuâ pepe.

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.