Awatokua 4:20 - Mbeti ti Nzapa - Tënë so amu fini

²⁰ Ti e, ye so e baa si e ma awe so, e lingbi ti kanga yanga ti e na ndö ni pepe.”

Awatokua 4:20 ပူးပေါင်းရင်းမြစ်များ

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jérémie 4:19

Ae ya ti mbi! Ya ti mbi! Ya ti mbi ayeke so mbi sioni; be ti mbi kue ayeke so mbi! Ya ti mbi ni ayeke kporo kporongo. Lege titene mbi kanga yanga ti mbi ayeke daa pepe, ngbanga ti so mbi ma gi toto ti didi na dekongo ti azo ti bira.

Jérémie 6:11

Ti mbi, ngonzo ti mo, KOTA GBIA, asi be ti mbi singo. Mbi kanga be ti mbi gbaa. “Ayeke nzoni mo tuku ngonzo ni na ndö ti amolenge so ayeke na ndö ti alege; mo tuku ni na ndö ti bongbi ti amaseka. Akoli na awali, akangba na azo so ate gigi mingi, fade a yeke mu ala kue ti hon na ala.

Ezekiel 3:11

Na pekoni, mo gue, mo baa a-ita ti mo, amolenge ti azo ti mara ti mo so a gbu ala, a ga na ala ge so. Mo tene tënë na ala, ataa ala ma mo, ataa ala ma mo pepe, mo tene na ala, mo tene: ‘Tënë so Kota Gbia NZAPA atene ayeke so.’ ”

Amos 3:8

Bamara ayeke toto, zo wa laa alingbi ti sara mbeto pepe, zo wa? Kota Gbia NZAPA ayeke tene tënë, zo wa laa alingbi ti ke ti tene peko ti tënë ti yanga ti lo, zo wa?

Mishe 3:8

Me ti mbi, ndali ti yingo ti KOTA GBIA so lo mu na mbi, mbi wara ngangu ahon ndoni, mbi hinga lege ti fango ngbanga mbirimbiri si mbi yeke na mbeto pepe ti fa na *ahale ti Jacob tënë ti ngangu li ti ala, ti fa nga na azo ti Israel siokpari ti ala.

Wungo ti azo 22:38

Balaam akiri tënë na Balak: “Baa, mbi laa, mbi ga awe so! Fadeso, tënë ti nyen laa mbi lingbi ti tene, nyen? Gi tënë so Nzapa ayeke zia na yanga ti mbi laa mbi yeke tene.”

Wungo ti azo 23:20

KOTA GBIA atene na mbi ti sara tufa na ndö ti azo so, lo wani, lo sara tufa na ndö ti ala awe; awe! Tënë so mbi tene, mbi lingbi ti kiri na ndö ni pepe.

Nzoni Tënë so Luc asu na mbeti 1:2

ala su ni na mbeti ti fa peko ti tënë ti azo so abaa ye ni na le ti ala, ngbene ye na tongo nda ni si ala ga azo ti fango tënë ti Nzapa.

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 18:5

So Silas na Timothée alondo na Masedoane asi awe, Paul amu ngoi ti lo kue ti fa tënë ti Nzapa; lo yeke fa na azuife atene, Jésus ayeke *Mesii biani.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 2:4

Ala kue asi na Yingo-Vuru si ala to nda ti tene tënë na ayanga nde nde tongana ti so Yingo amu na ala lege ti tenengo ni.

Awatokua 22:15

Fade mo yeke tene peko ti ye so mo hinga na ndö ti lo na azo kue, ti fa ye so mo baa na ye so mo ma.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”