Awatokua 4:13 - Mbeti ti Nzapa - Tënë so amu fini

¹³ So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Awatokua 4:13 ပူးပေါင်းရင်းမြစ်များ

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 26:71

So Pierre amu lege ti gue na yanga ti gbagba, mbeni wali nde so ayeke sara kua kâ abaa lo si atene na azo so ayeke kâ, atene: “Koli so ayeke mu nga peko ti Jésus, zo ti Nazaret!”

Matthieu 26:73

Kete na pekoni, azo so ayeke kâ aga nduru na Pierre si ala tene na lo: “Taa-tënë, mo nga, mo yeke mbeni zo ti Jésus! Sarango tënë ti mo aka mo awe.”

Nzoni Tënë so Luc asu na mbeti 22:8

Jésus atokua Pierre na Jean; lo tene na ala: “Ala gue, aleke na e kobe ti Pake titene e gue, e te.”

Jean 19:26

Jésus abaa mama ti lo na mbeni disiple ti lo so lo ye lo mingi, ala yeke luti kâ. Tongaso Jésus atene na mama ti lo: “Wali, baa, molenge ti mo laa.”

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Jean 7:49

Gi gba ti azo so ahinga *Ndia ti Moïse pepe so, ala laa ama na be na lo; Nzapa adeba ala awe!”

Awatokua 4:14

So ala baa nga koli so gere ti lo aga nzoni, lo yeke luti na tere ti Pierre na Jean, ala wara mbeni tënë ti tene pepe.

Awatokua 4:19

Me Pierre na Jean akiri tënë na ala: “Ti ma yanga ti ala wala ti ma yanga ti Nzapa, so wa laa ayeke nzoni? Ala wani, ala gbu li ti ala na tënë so!

Awatokua 4:29

Fadeso, Kota Gbia, mo ma atënë so ala tene ti zia mbeto na be ti e. Mo mu na e ngangu ti fa tënë ti mo na mbeto pepe.

Awatokua 4:31

So ala hunzi sambela ni awe, ndo so ala bongbi daa so ayingi. Ala si na Yingo-Vuru si ala yeke fa tënë ti Nzapa na mbeto pepe.

Awatokua 9:27

Na pekoni, Barnabas amu Saul na tere ti lo si lo gue na lo na popo ti *awatokua. Barnabas afa na ala lege so Saul abaa *Kota Gbia na lege ti Damas nga na lege so Kota Gbia atene tënë na Saul. Lo fa nga na ala lege so Saul afa tënë na iri ti Jésus na Damas na mbeto pepe.

Awatokua 9:28

Ti londo na ndembe ni so, Saul angba na tere ti ala si lo na ala ayeke tambula na ya ti Jérusalem kue. Lo fa tënë na iri ti Kota Gbia na mbeto pepe.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.

1 Korente 14:25

atënë ti be ti lo asigigi polele si lo yeke kuku na sese ti voro Nzapa; lo yeke tene na yanga ti lo, lo tene: “Nzapa ayeke na popo ti ala biani.”

2 Korente 3:12

So e zia be ti e kue ti ku nzoni ye tongaso, mbeto ti ye oko asara e pepe.