Awatokua 4:1 - Mbeti ti Nzapa - Tënë so amu fini

¹ Na ndembe so Pierre na Jean angba ti tene tënë na azo ni, awayango-sandaga na makonzi ti aturugu ti kota da ti Nzapa na *asadusien asi.

Awatokua 4:1 ပူးပေါင်းရင်းမြစ်များ

Matthieu 16:12

Tongaso, adisiple ahinga atene, lo yeke tene tënë na ala titene ala kpe mama ti mapa pepe, me ala kpe fango ye ti afarizien na ti asadusien.

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 27:20

Akota wayango-sandaga na *akangba apusu gba ti azo ni atene, ala hunda titene a zi Barabas si a fâ Jésus.

Matthieu 27:41

Akota wayango-sandaga, awafango-ndia nga na *akangba ahe lo na ngia, ala tene:

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Nzoni Tënë so Luc asu na mbeti 20:1

Mbeni lâ, Jésus ayeke fa ye na azo na ya ti kota da ti Nzapa; lo yeke fa nga Nzoni Tënë na ala. Akota wayango-sandaga, awafango-ndia na *akangba aga.

Nzoni Tënë so Luc asu na mbeti 22:4

Lo gue, lo baa akota wayango-sandaga na amakonzi ti aturugu ti batango lo si lo na ala ama tere na ndö ti lege so fade lo yeke ka Jésus na ala.

Jean 15:20

Ala dabe ti ala na tënë so mbi tene na ala: ‘Zo ti kua ayeke kota ahon makonzi ti lo pepe.’ Fade azo ayeke sara ngangu na ala tongana ti so azo ni asara ngangu na mbi. Tongana azo ni asara fade ye alingbi na tënë ti mbi, ka ala sara nga ye alingbi na tënë ti ala.

Jean 18:3

Judas amu li ti mbeni bongbi ti aturugu na awabatango kota da ti Nzapa si ala gue na ndo ni so; akota wayango-sandaga na *afarizien laa atokua ala. Ala mu aye ti bira na alamba na wâ ti pere.

Awatokua 4:6

Kota wayango-sandaga Hane ayeke daa, lo na Kaife, Jean, Alexandre na ambeni zo ti sewa ti kota wayango-sandaga ni.

Awatokua 5:17

Tongaso, kota wayango-sandaga na azo ti tere ti lo, so ti tene azo ti bongbi ti *asadusien, kota be asara ala na tere ti *awatokua si ala ye ti sara mbeni ye.

Awatokua 5:24

So akota wayango-sandaga na makonzi ti aturugu ti kota da ti Nzapa ama tënë so, ala hinga li ti ala na ye ni pepe; ala hunda tere ti ala, atene: “Ye ni ayeke ga ande tongana nyen!”

Awatokua 5:26

Tongaso makonzi ti aturugu ni na azo ti lo ague, amu awatokua ni akiri na ala; me ala sara ngangu na awatokua ni pepe, ngbanga ti so ala sara mbeto titene azo abo ala na têne.

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.

Awatokua 6:7

Tënë ti Nzapa angba ti tambula na ndo kue. Na Jérusalem, wungo ti adisiple ayeke gue na nduzu, gba ti awayango-sandaga ama na be.