Awatokua 3:4 - Mbeti ti Nzapa - Tënë so amu fini

⁴ Ala baa le ti lo ngbii si Pierre atene na lo: “Baa e si!”

Awatokua 3:4 ပူးပေါင်းရင်းမြစ်များ

Nzoni Tënë so Luc asu na mbeti 4:20

Jésus akanga mbeti ni, lo mu ni na zo so ayeke sara kua na ya ti da ti sambelango Nzapa si na pekoni, lo duti. Le ti azo so kue ayeke na ya ti da ni atuku na ndö ti lo.

Jean 11:40

Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”

Jean 5:6

Jésus abaa lo yeke lango na sese, lo ma a tene, kobela ti lo aninga mingi si lo hunda lo, atene: “Mo ye tere ti mo aga nzoni?”

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Awatokua 11:6

Mbi baa ye ni kpoo si na ya ni, mbi baa anyama ti gere osio, anyama ti ngonda, ala so ayeke hara harango na andeke ti nduzu.

Awatokua 3:1

Mbeni lâ, Pierre na Jean ayeke gue na kota da ti Nzapa ti sambela na ngbonga ota ti peko ti bekombite.

Awatokua 3:11

Koli ni angba gi na tere ti Pierre na Jean na gbe ti veranda so a iri ni Veranda ti Salomon. Be ti azo kue ado si ala kpe ague na tere ti ala.

Awatokua 3:12

So Pierre abaa azo ni, lo tene na ala: “Azo ti Israel, ngbanga ti nyen laa be ti ala ayeke do ndali ti ye so asi so? Ala yeke baa e kpoo tongaso ngbanga ti nyen? Ala baa ti ala atene, na ngangu ti e wani wala ngbanga ti so e gbu tënë ti Nzapa mingi laa e sara titene koli so atambula?

Awatokua 3:3

So lo baa Pierre na Jean na lingo ni, lo hunda ala titene ala mu na lo mbeni ye.

Awatokua 3:5

Tongaso lo baa ala kpoo; lo baa ti lo, lo tene, ala yeke mu mbeni ye na lo.