Awatokua 3:26 - Mbeti ti Nzapa - Tënë so amu fini

²⁶ Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Awatokua 3:26 ပူးပေါင်းရင်းမြစ်များ

Abia (Psaumes) 72:17

Ayeke nzoni iri ti gbia ni angba lakue lakue, ague na nduzu na ngoi so kue lâ angba ti su. Ayeke nzoni azo asara tufa na ndö ti amba ti ala na iri ti lo si azo ti amara kue atene: “Ti lo nzoni!”

Jérémie 31:18

Biani, mbi ma azo ti Efraim so ayeke dema tere ti ala, atene: ‘KOTA GBIA, mo pika e ngangu mingi tongana ti so zo ayeke pika bagara so ama ndo pepe. Me ayeke nzoni mo sara si e kiri na mbage ti mo titene e kiri biani na mbage ti mo, ngbanga ti so mo laa mo yeke Nzapa ti e.

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 15:24

Jésus akiri tënë na ala: “Nzapa atokua mbi gi na azo ti Israel so ala yeke tongana ataba so agirisa.”

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Jean 4:22

Ala azo ti Samarii, ala yeke voro Nzapa so ala hinga lo pepe, me e yeke voro ti e Nzapa so e hinga lo, ngbanga ti so ye so ayeke soo zo na kuâ alondo na mbage ti azuife.

Awatokua 1:8

Me fade ala yeke wara ngangu na ndembe so Yingo-Vuru ayeke zu na ndö ti ala. Tongaso, ala yeke ga azo ti tenengo tënë ti ye so ala hinga na ndö ti mbi, na Jérusalem, na Judée kue, na Samarii, ngbii ala si na nda ti sese kue.”

Awatokua 13:26

“A-ita, ala so ayeke *ahale ti Abraham na ala, azo so ayeke ge si ayeke voro Nzapa so, e laa Nzapa atokua tënë ti songo zo na kuâ na e!

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Awatokua 2:32

“Jésus so mbi yeke tene tënë ti lo so, Nzapa azingo lo na kuâ, e kue, e baa ye ni na le ti e.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 3:13

Nzapa ti Abraham, ti Isaac na ti Jacob, Nzapa ti akotara ti e, amu gonda na Jésus, zo ti kua ti lo. Me ala azo ti Israel, ala zia lo na maboko ti akota zo, ala ke lo na dawa ti Pilate, ataa so Pilate aye ti zi lo.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 3:20

Tongaso fade *Kota Gbia ayeke mu na ala mbeni ngoi titene yingo ti ala awara ngangu. Lo yeke tokua Jésus na ala, lo so lo yeke Christ so a soro lo kozoni ndali ti ala.

Awatokua 3:22

Moïse atene ando atene: ‘Fade Nzapa, Kota Gbia ti ala ayeke tokua mbeni wayanga ti lo na ala tongana ti so lo tokua mbi; wayanga-Nzapa ni ayeke mbeni zo ti kodro ti ala wani. Alingbi ala sara ye so kue lo yeke tene na ala.

Awatokua 3:25

Atënë so Nzapa azia ando na yanga ti awayanga ti lo si ala tene so ayeke ndali ti ala, azo ti Israel. Ala li na ya ti *mbuki so Nzapa asara na akotara ti ala so awe. Lo tene na Abraham: ‘Na lege ti mbeni *hale ti mo, mbi yeke sara tufa na ndö ti asewa ti dunia kue.’

Rome 1:16

Biani, kamene ti fango Nzoni Tënë asara mbi pepe: Nzoni Tënë ni ayeke ngangu ti Nzapa so lo mu ti soo azo so kue ama na be, azuife kozoni, na pekoni azo ti amara nde.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

Rome 15:8

Biani, mbi tene na ala: Nzapa angba na ndö ti tënë so lo tene. Ndani laa Christ aga zo ti sarango kua na azuife ti sara ye alingbi na zendo so Nzapa amu ando na akotara ti e.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

Jude 1:24

Nzapa so alingbi ti bata ala si ala ti pepe, lo lingbi ti sara si ala ga nzoni kue, ala si na gbe ti gonda ti lo na ngia.