Awatokua 3:22 - Mbeti ti Nzapa - Tënë so amu fini

²² Moïse atene ando atene: ‘Fade Nzapa, Kota Gbia ti ala ayeke tokua mbeni wayanga ti lo na ala tongana ti so lo tokua mbi; wayanga-Nzapa ni ayeke mbeni zo ti kodro ti ala wani. Alingbi ala sara ye so kue lo yeke tene na ala.

Awatokua 3:22 ပူးပေါင်းရင်းမြစ်များ

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Nzoni Tënë so Luc asu na mbeti 13:33

Me laso, kekereke na mbeni kekereke, alingbi mbi ngba na tambula ti mbi, ngbanga ti so wayanga-Nzapa alingbi ti kui yongoro na Jérusalem pepe.

Nzoni Tënë so Luc asu na mbeti 24:19

Lo hunda ala, lo tene: “Ye ni ayeke nyen?” Ala kiri tënë na lo: “Ye so asi na Jésus, zo ti Nazaret so! Lo yeke mbeni ngangu wayanga-Nzapa na lege ti akota ye so lo sara na atënë so lo fa; lo fa ni na dawa ti Nzapa nga na dawa ti azo kue.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Jean 12:46

Mbi so mbi yeke lumiere, mbi ga na ndö ti dunia so. Tongaso, zo so ama na be na mbi, lo yeke ngba na ya ti vukongo ndo pepe.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Galasii 4:4

Me so ndembe ni alingbi na le ti Nzapa awe, lo tokua Molenge ti lo; wali laa adu lo, lo duti na gbe ti *Ndia ti azuife

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Aye so Nzapa afa 1:1

Mbeti so afa tënë ti aye so Jésus Christ afa na Jean na ya ti mbeni ye tongana bango-li. Nzapa amu lege na Christ ti fa ni si azo ti kua ti lo ahinga ye so Nzapa aleke titene asi fafadeso. Christ atokua *ange ti lo ti fa ye ni na Jean.