Awatokua 3:20 - Mbeti ti Nzapa - Tënë so amu fini

²⁰ Tongaso fade *Kota Gbia ayeke mu na ala mbeni ngoi titene yingo ti ala awara ngangu. Lo yeke tokua Jésus na ala, lo so lo yeke Christ so a soro lo kozoni ndali ti ala.

Awatokua 3:20 ပူးပေါင်းရင်းမြစ်များ

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 24:3

Jésus aduti na li ti hoto ti a-olive, adisiple aga nduru na tere ti lo; so ala yeke gi ala oko, ala hunda lo, atene: “Tene na e, ye ni ayeke si ande lawa? Nyen laa ayeke fa lango ti gango ti mo nga na lango ti ndani?”

Marc 13:26

Tongaso azo ayeke baa *Molenge ti Zo so ayeke ga na ya ti mbinda na ngangu ti lo kue, na gonda ti lo kue.

Nzoni Tënë so Luc asu na mbeti 19:11

Jésus akiri atene mbeni toli na azo so ayeke ma tënë ti lo so. Lo tene ni, ngbanga ti so lo ga nduru na Jérusalem. Andaa azo ni abaa ti ala atene, Kodro-gbia ti Nzapa ayeke si fafadeso.

Nzoni Tënë so Luc asu na mbeti 21:27

Tongaso azo ayeke baa *Molenge ti Zo so ayeke ga na ya ti mbinda na ngangu ti lo kue, na gonda ti lo kue.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

2 Tesalonike 2:2

tongana mbeni zo atene, *lango ti Kota Gbia asi awe, li ti ala aga kirikiri hio pepe, ala sara nga mbeto pepe. Ataa azo ni atene, tënë ni alondo na yanga ti Nzapa, wala tënë ni alondo na e, wala e laa e tokua mbeti ni na ala, ala yeda na ni pepe.

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.