Awatokua 3:17 - Mbeti ti Nzapa - Tënë so amu fini

¹⁷ “Fadeso a-ita, mbi hinga, mbi tene, ye so ala na amakonzi ti ala asara na Jésus, ala hinga ni pepe.

Awatokua 3:17 ပူးပေါင်းရင်းမြစ်များ

Tongo nda ti aye 21:26

Abimelek akiri tënë na lo, atene: “Mbi hinga zo so asara ye so pepe. Mo tene nga na mbi tënë ni kozoni pepe. Ti mbi, mango tënë ni laa mbi ma laso so.”

Tongo nda ti aye 39:8

Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi.

Tongo nda ti aye 44:15

Joseph atene na ala, atene: “So sarango ye ti nyen laa ala sara so? Ala hinga atene zo tongana mbi so, mbi yeke gi nda ti aye so ayeke na hondengo ni pepe?”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Wungo ti azo 22:6

Mbi gbu gere ti mo, ga, mo deba ala na mbi, ngbanga ti so ngangu ti ala ahon ti mbi. Tongana mo ga, gbaa mbi lingbi ti hon ndö ti ala na bira si mbi tumba ala na ya ti kodro ni. Mbi hinga, mbi tene, zo so mo sara tufa na ndö ti lo, tufa ayeke ga na ndö ti lo; me zo so mo deba lo, deba ayeke ga na ndö ti lo.”

Nzoni Tënë so Luc asu na mbeti 23:13

Pilate airi akota wayango-sandaga, amakonzi na azo ti kodro

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jean 15:21

Me fade azo ayeke sara ye so kue na ala ndali ti iri ti mbi, ngbanga ti so azo ni ahinga lo so atokua mbi pepe.

Jean 16:3

Azo ni ayeke sara ye so na ala, ngbanga ti so azo ni ahinga Babâ wala mbi pepe.

Jean 7:52

Ala kiri tënë na lo: “Mo nga, mo yeke zo ti Galile? Mo gi nda ti Mbeti ti Nzapa, fade mo yeke hinga so, mbeni wayanga-Nzapa alondo laoko na Galile aga pepe.” [

Awatokua 13:27

Biani, azo ti Jérusalem na amakonzi ti gbata ni ake ti hinga Jésus, ala fâ ngbanga ti kuâ na li ti lo; tënë ti awayanga-Nzapa so ala yeke diko lakue na lango ti wungo tere so aga taa-tënë.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.

Awatokua 28:21

Ala kiri tënë na lo, atene: “E wara mbeni mbeti oko so alondo na Judée si afa na e tënë na ndö ti mo pepe. Mbeni ita ti e oko alondo kâ aga atene tënë wala afa na e mbeni sioni tënë na iri ti mo pepe.

Awatokua 7:40

Tongaso ala tene na Aaron: ‘Sara na e ambeni nzapa titene ala fa lege na e. Biani, Moïse so amu e na Ezipte, asigigi na e so, e hinga ye so asi na lo pepe.’

Rome 11:2

Nzapa ake azo ti lo pepe, azo ti lo so lo soro ala kozoni so. Na ya ti Mbeti ti Nzapa, ala hinga pepe tënë ti Élie so adema tere ti lo na Nzapa ndali ti sarango ye ti azo ti Israel so? Lo tene:

1 Korente 2:8

Mbeni oko na popo ti ala so ayeke na komandema na ndö ti dunia so ahinga tënë ti ndara ni pepe. Tongana ala hinga ni fade, ka ala fâ *Kota Gbia na ndö ti keke ti kroa pepe, Kota Gbia so alingbi na gonda.

2 Korente 3:14

Me lege ti hingango ndo ti ala akanga ando! Ndani laa, ti londo na ndembe ni so ngbii asi laso, tongana ala yeke diko mbeti ti Kozo Mbuki, bongo ni angba ti kanga le ti ala; a de azi bongo ni so pepe. A yeke zi bongo ni gi na le ti zo so aga oko na Christ.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Filipe 1:22

Me tongana ngbango ti mbi na fini na sese so alingbi ti mu na mbi lege ti sara mbeni kua so zo alingbi ti wara ye na peko ni, mbi hinga ye so mbi lingbi ti soro ni pepe.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.