Awatokua 3:10 - Mbeti ti Nzapa - Tënë so amu fini

¹⁰ So azo ahinga atene, koli so ayeke kozoni na tere ti Pendere-yanga-da ti iri ye na maboko ti azo so laa, be ti ala ado, li ti ala kue akpe ngbanga ti ye so asi na lo.

Awatokua 3:10 ပူးပေါင်းရင်းမြစ်များ

Matthieu 14:35

Azo ti ndo ni kâ ahinga Jésus si ala tene tënë ti gango ti lo na azo ti sese ni kue. Azo amu azo ti kobela kue aga na ala na lo.

Nzoni Tënë so Luc asu na mbeti 4:36

Li ti azo ni kue akpe si ala tene na popo ti ala, atene: “So mara ti tënë ti nyen laa? Lo yeke mu yanga na ngangu tongana gbia na asioni yingo si ala yeke sigigi!”

Nzoni Tënë so Luc asu na mbeti 9:43

Li ti azo kue akpe ndali ti so ala baa atene, Nzapa ayeke kota. So azo ni angba ti gonda aye so kue Jésus asara, lo tene na adisiple ti lo:

Jean 5:20

ngbanga ti so Babâ aye Molenge ti lo si lo fa na Molenge ni aye so kue lo yeke sara. Fade lo yeke fa na Molenge ni ambeni ye ti sarango ni so ayeke kota ahon so si fade li ti ala azo, akpe.

Jean 9:3

Jésus akiri tënë na ala: “Ye so asara si lo ga waziba so ayeke siokpari ti lo wala siokpari ti babâ na mama ti lo pepe. Ye so asi na lo titene azo abaa ye so Nzapa ayeke sara na ya ti fini ti lo.

Jean 9:8

Azo ti tere ti da ti lo na ambeni zo so ayeke baa lo lakue na iringo ye, atene: “Koli so ayeke duti lakue ti iri ye so laa pepe?”

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Awatokua 2:7

Li ti ala kue akpe, be ti ala ado si ala tene: “Azo so ayeke tene tënë so, ala kue ayeke azo ti Galile pepe?

Awatokua 3:2

Mbeni koli so a du lo na bubango gere ayeke na yanga ti kota da ti Nzapa so iri ni “Pendere-yanga-da”. Lakue azo ayeke ga na lo azia lo na yanga ti da ni titene lo iri ye na maboko ti azo so ayeke li na ya ti kota da ti Nzapa.