Awatokua 3:1 - Mbeti ti Nzapa - Tënë so amu fini

¹ Mbeni lâ, Pierre na Jean ayeke gue na kota da ti Nzapa ti sambela na ngbonga ota ti peko ti bekombite.

Awatokua 3:1 ပူးပေါင်းရင်းမြစ်များ

1 Agbia 18:36

Na ngbonga ti mungo sandaga ti peko ti bekombite, wayanga-Nzapa Élie aga nduru na tere ti gbalaka ni si lo tene: “KOTA GBIA, Nzapa ti Abraham, ti Isaac na ti Jacob, ayeke nzoni mo fa na azo laso, mo tene, mo laa mo yeke Nzapa na sese ti Israel. Mbi yeke zo ti kua ti mo si mbi sara aye so kue gi na lege ti tënë ti mo.

Abia (Psaumes) 55:17

Ti mbi, mbi dekongo na Nzapa, fade KOTA GBIA ayeke soo mbi.

Sigingo 29:39

Ala yeke ya kozo taba ni na ndaperere si ala yeke ya use taba ni na lakui.

Daniel 6:10

Tongaso, gbia Darius asu maboko ti lo na gbe ti kota mbela ni.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Wungo ti azo 28:4

Fade a yeke mu kete taba oko na ndaperere si a yeke mu use ni na lakui;

Matthieu 17:1

Lango omene na pekoni, Jésus amu Pierre, Jacques na Jean, ita ti Jacques na tere ti lo, lo gue na ala na li ti mbeni kota hoto si ala aduti kâ gi ala oko.

Matthieu 26:37

Lo mu Pierre na amolenge ti Zebede use na tere ti lo si lo na ala ague. Vundu ato nda ti gbu lo si mbeto asara lo ahon ndoni.

Matthieu 27:45

Ti londo na bekombite ngbii asi na ngbonga ota, ndo avuko na ya ti kodro ni kue.

Nzoni Tënë so Luc asu na mbeti 1:10

Na ndembe so a yeke zö ka dukani, azo kue ayeke ngba na gigi si ayeke sambela.

Nzoni Tënë so Luc asu na mbeti 18:10

“Azo use ague na ya ti kota da ti Nzapa ti sambela. Oko ayeke *farizien si mbeni ayeke zo ti rongo nginza ti lapo.

Nzoni Tënë so Luc asu na mbeti 22:8

Jésus atokua Pierre na Jean; lo tene na ala: “Ala gue, aleke na e kobe ti Pake titene e gue, e te.”

Nzoni Tënë so Luc asu na mbeti 24:53

Lakue, ala yeke na ya ti kota da ti Nzapa si ala yeke sepela Nzapa.

Jean 21:7

Disiple so Jésus aye lo mingi so atene na Pierre: “*Kota Gbia laa!” So Pierre ama a tene, so Kota Gbia laa, lo yu bongo ti lo, ngbanga ti so lo zi ni. Na pekoni, lo huru lo ti na ya ti ngu.

Awatokua 10:3

Mbeni lâ, na ngbonga ota ti peko ti bekombite, mbeni *ange ti Nzapa asi na lo na ya ti mbeni ye tongana bango-li si lo baa ni mbirimbiri. Ange ni airi lo, atene: “Corneille!”

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Awatokua 3:3

So lo baa Pierre na Jean na lingo ni, lo hunda ala titene ala mu na lo mbeni ye.

Awatokua 3:4

Ala baa le ti lo ngbii si Pierre atene na lo: “Baa e si!”

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Awatokua 5:25

Na pekoni, mbeni zo aga si lo tene na ala: “Baa, akoli so ala bi ala na da ti kanga so, ala yeke na ya ti kota da ti Nzapa si ala yeke fa ye na azo!”

Awatokua 8:14

So *Awatokua so ayeke na Jérusalem ama a tene, azo ti Samarii ayamba tënë ti Nzapa awe, ala tokua Pierre na Jean na ala.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.